16 Apr 01:23GÜNDƏM / ARAŞDIRMA

BAKIDA DAHA BİR SÜPÜRGƏÇİ HƏLAK OLDU

BAKIDA DAHA BİR SÜPÜRGƏÇİ HƏLAK OLDU
Bu gün süpürgəçi olmaq ən təhlükəli bir peşəyə çevrilməkdədir. Bakı şəhər İcra Hakimiyyəti bu yaşlı insanlara qəpik-quruşla süpürtdürdüyü küçələr hər gün bir günahsızın qanıyla "boyadılır". 15 aprel 2018-ci il, Bakıda avtomobil daha bir küçə süpürən yaşlı qadını vurub. Şahidlərin dediyinə görə hadisə, Atatürk prospektində saat 15: 20-də baş verib.
Hadisənin şahidləri bildiriblər ki, avtomobillə vurulmuş küçə təmizləyicisinin formasını digər təmizləyicilər soyundurub götürüblər ki, heç kim onun kommunal işçisi olduğunu bilməsin. Amma unudublar ki, xüsusi geyimsiz halda işçini işlədənlər daha ağır cərimələrlə cərimələnirlər.
KİV-lərdə və sosial şəbəkələrdə çoxlu ictimai etirazlara, tənqidlərə baxmayaraq, şəhərin aidiyyatlı orqanları xüsusi təmizləyici avadanlıqlar (bütün sivil ölkələrdə olduğu kimi) satın almaqdan imtina etdilər. İndi onların vəzifə səhlənkarlığı səbəbindən başqa bir təmizləyici həlak oldu. Bu son günlər ərzində təkərlərin qurbanı olan üçüncü həyatdır!
Şəhər hakimiyyətinin vaxtıyla Çindən aldıqları texnikalar da yəqin ki, pulların arxasınca havaya buxarlanıb? Əmək təhlükəsizliyi təmin edilməyən bu yaşlı insanlara o hallı millət vəkillərinin münasibətləri bəllidir. Bəs Dövlət Əmək müfəttişliyi və Həmkarlar Konfederasiyası niyə səslərini çıxarmırlar?
Hərəyə bir süpürgə verib töküblər şəhərin qaydasız döyüş rinqlərini xatırladan bu bəlalı trasları süpürməklə 1 milyon 900 min iş yeri açmaq olmaz. Gedin küçə süpürən maşınlar alın. Qoy bu da olmasın İcra hakimiyyətlərinin 10 günlük "dəst-xuruşları".
Allah o zəhmətkeş məzluma rəhmət eləsin və zalimə də insaf versin.

X. Ədəboğlu
Şərh əlavə etmək
Adı:
E-Mail Ünvanı:
Kalın İtalik Altı Çizili Üzeri Çizili | Sola Yasla Ortala Sağa Yasla | İfade Ekle Bağlantı EkleKorumalı Link Girin Renk Seç | Gizli Metin Alıntı Ekle Farklı Bir Alfabe ile Yazılmış Olan Seçili Metni Kiril Alfabesine Çevir Spoiler Ekle
Kodu girin:

AZƏRBAYCAN VƏTƏN MÜHARİBƏSİ VETERANLARI İCTİMAİ BİRLİYİ