18 Noy 02:13GÜNDƏM / Köşə

MƏMURLUĞUN ELDARMAHMUDOVLUĞU, yaxud bir tüpürümlük qisas...

MƏMURLUĞUN ELDARMAHMUDOVLUĞU, yaxud bir tüpürümlük qisas...

Xaqani Ədəboğlu


Bir çox saytlar sensasiyalı xəbər kimi bir zərərçəkmişin sabiq MTN -nin şefinin üzünə tüpürməsindən yazdı. Vaxtıyla ondan qaçıb qurtulmaq istəyənlər indi onunla üzbəüz gəlməyə can atırlar. Yəqin onlar da tüpürəcəklər. Bir tüpürcəklik qisasları olan adamlara barı bu haqqı çox görməyin. Möhtərəm hakimlər, bir gün təyin edin və bu sındırılmış adamlar öz istəklərini layiqincə "yerinə yetirə bilsinlər".

"Yıxılana balta çalan çox olar"- deyiblər. Amma baltadansa tüpürcək daha təhlükəsizdir. Bunu qiymətləndirmək lazımdır. Xalqımızın bu yeni "silahı" təbliğ edilməlidir.
Əslində vəzifə səlahiyyətini aşan hər bir məmur potensial bir eldarmahmudovdur. Sadəcə bir az üslub fərqi var. Səndən rüşvət almaq üçün min bir rəng dəyişən və gözləriniz qarşısında bütün oyunlardan çıxan ən xırda məmuru yırğalayın, budaqlarından on "eldarmahmudov" tökülər. Özünü və mənliyini sata bilən kəs, hər şeyi, hər kəsi, hətta Vətəni belə düşünmədən sata bilər. Çünki bu iş artıq onun həyat tərzidir. Həyat belə adam üçün SATMAQ VƏ SATILMAQ arasında yerləşir. Beləsi üçün mənəviyyat YALAN VƏ QORXU arasına pərçimlənib. Belə adam üçün AĞ, QARANIN üstündəki yamaqdan başqa bir şey deyil.

İndi yeni deyimlə desək, "yıxılana tüpürən çox olar", hünəriniz varsa, yıxılmayanlara tüpürün.
Vətən torpaqlarını "uf" demədən satanlara, düşməndən alınmış arvadların kölgəsində yatanlara, məmləkətin halalına haram qatanlara tüpürün.
Milli mənafeyimizi 50-60 il yaşayacağı rahatlığa qurban verənlərə tüpürün.
Amma bir gün olacaqlardan boğazınız qurumamış tüpürün!
25 illik düşmən tapdağına, yurdun talanına dözən bütün vicdanlara tüpürün...
...Özünüzü də bizlərdən ayırmadan tüpürün. Vallah hərə öz tüpürcəyində boğular. Bu bizik...
Hərəmiz bir cür eldarmahmudovuq. O, kimlərinsə üstündən hoppanmışdı, biz öz üstümüzdən hoppanmağa can atırıq...
Tanrı bizi özümüzdən qorusun...
Şərh əlavə etmək
Adı:
E-Mail Ünvanı:
Kalın İtalik Altı Çizili Üzeri Çizili | Sola Yasla Ortala Sağa Yasla | İfade Ekle Bağlantı EkleKorumalı Link Girin Renk Seç | Gizli Metin Alıntı Ekle Farklı Bir Alfabe ile Yazılmış Olan Seçili Metni Kiril Alfabesine Çevir Spoiler Ekle
Kodu girin:

AZƏRBAYCAN VƏTƏN MÜHARİBƏSİ VETERANLARI İCTİMAİ BİRLİYİ