24 Noy 12:36GÜNDƏM / VETERAN

Deputat Qarabağ veteranlarının işlə təmin olunması üçün xüsusi qrupun yaradılmasını təklif edib

 Deputat Qarabağ veteranlarının işlə təmin olunması üçün xüsusi qrupun yaradılmasını təklif edib

Milli Məclisin iclasında Qarabağ veteranlarının işlə təmin olunması üçün müvafiq nazirlikdə xüsusi qrupun yaradılması təklif olunub.

APA-nın məlumatına görə, deputat Qənirə Paşayeva bildirib ki, Qarabağ veteranları təqaüdə çıxanda veteran kimi aldıqları müavinət kəsilir: “Bu, düzgün deyil, müavinət kəsilməməlidir. Çünki o təqaüdə çıxanda da elə Qarabağ veteranıdır. Bu müavinət onlara döyüş yoluna görə verilir”.

Deputat şəhid ailələrinin, əlillərin sığorta haqqı ilə bağlı da təklif səsləndirib: “Hazırda 1200 insanın əlində məhkəmə qətnaməsi var. Məhkəmə qərar çıxarıb ki, bu insanlara vəsait ödənilməlidir. Hara gediriksə, bu prosesə nə vaxt başlayacağı barədə bizə sual verirlər. Ən azı həmin ailələrdən başlayıb, əllərində məhkəmə qərarı olanların məsələsini həll etmək lazımdır”.

Q. Paşayeva bildirib ki, şəhid ailələri və Qarabağ əlillərinə evlərin tikilməsi istiqamətində araşdırma aparılmalı, təminat zamanı ehtiyacı olanlar önə çıxarılmalıdır.

Deputat əlillərin hamısının işlə təmin olunması ilə bağlı qanunvericiliyin icrasına nəzarət məsələsinin diqqətdə saxlanılmasının vacib olduğunu da bildirib.(apa.az)
Şərh əlavə etmək
Adı:
E-Mail Ünvanı:
Kalın İtalik Altı Çizili Üzeri Çizili | Sola Yasla Ortala Sağa Yasla | İfade Ekle Bağlantı EkleKorumalı Link Girin Renk Seç | Gizli Metin Alıntı Ekle Farklı Bir Alfabe ile Yazılmış Olan Seçili Metni Kiril Alfabesine Çevir Spoiler Ekle
Kodu girin:

AZƏRBAYCAN VƏTƏN MÜHARİBƏSİ VETERANLARI İCTİMAİ BİRLİYİ