MÜƏLLİM GÜNÜNƏ AYDIN SAYAĞI SÖZ ARDI...

MÜƏLLİM GÜNÜNƏ AYDIN SAYAĞI SÖZ ARDI...
























Aydın Canıyev

Həə, əziz müəllimlər və müəllimələr, tortları yediniz, gülləriniz də sabahda-birigündə solacaq, indi isə bunu oxuyun, desert olaraq

Müəllimlərə, Müəllimliyə ƏBƏDİ HƏDİYYƏ!

Bu yazını sizlər üçün iki ADPU (qardaşım və kiçik qızım bakalavr olaraq), iki BDU (böyük qızım bakalavr, kiçik qızım magistr) məzununun Qardaşı və Atası olaraq, ərməğan edirəm, əziz MÜƏLLİMLƏR ...

Yox, gopa basmayacam, özümü guya saf uşaq cildində təqdim edib deməyəcəm, BİZ OXUYANDA... elə bilirdik, müəllimlər ayaqyoluna-zada getmir, ay nə bilim, çörək-zad yemir.

Çünki mənim müəllimlərim İNSAN idilər. Mən bizimlə qonşu olan Müəllimin hər yay Moskvadan gətirdiyi import ayaqqabıları, köynəkləri, kostyumları alıb geyinmişəm, Müəllimlərimin uşaqlarıyla dost olmuşam, sevgisi üçün dəli olan Müəllimi tanımışam!

Mən yazmayacam da ay Müəllim və Müəllimələri müqəddəs və bakirə Məryəm bilmişəm!

Mən “raykom” Müəllimə tanıyırdım e uşaq olanda!

Amma və lakin...

Onda da, indi də elə olub, belə olub, eləydi, elə belədi də!

SÖZARASI: Moskvada biznesmen “nuvoriş”lərimizdən biriylə görüşməli oldum. Yanındakı “bazar danası” başladı ki, nə jurnalist e, o gün biri gəlmişdi, getdik yedik-içdik, apardım “qəsnisə”yə. Yanına getdiyim nə qədər qaş-göz eləsə də, “dana” başa düşmədi, təkcə ona imkan etmədi ki, əlləriylə onun ağzını tutsun, day demişdi deyə, indi mənə də deyə bilmir ki, boş ver:
- Sənin yanına gələn qəhbə olub, sadəcə, jurnalist vəsiqəsiylə əvvəl səni ələ alıb, sonra pulunu alıb, sonra da sənin ləyaqətli bir kişiyə, namuslu bir qıza çevrilə biləcək spermanı axıtdırıb prezervativə. Jurnalist mənəm, çıxıram otaqdan, gəl, tap məni, görüş, apar qonaqlığa, bildiyini elə.

Prosesin sonluğunda “böyük qardaş”a söz verdiyim üçün, təfsilatını yazmıram, amma onu deyim ki, adam Moskvadan kəndimiz Kərgəlanacan dizin-dizin gəldi, atamın qapısında həftələrlə qaldı və tüpürdüyünü yazılı yaladı.

DEMƏYİM: Müəllim adına özünü müəllim kimi aparmayanları qatmayın! Təbrik edəndə ağayana, mərdanə şəkildə MÜƏLLİM(Ə)LƏRİ təbrik edin.

Mənim üçün MÜƏLLİM yeganə insandır ki, onun sevilməyi günah deyil! Açmasını vermədən də keçərdim, amma məcburam: biz təmənnamızdan, şəxsi və situativ vəziyyətdən yana bəzən eşşəyə də day deyirik! Hətta diktatoru da sevirik – Etibar Hüsənli xalqın ömründə və tarixində ilk dəfə milyondan artıq sayla toparlandığı dönəmdə dedi: (...) öz xalqımın diktatorunu sevirəm!
Biz fahişəni də sevirik!
Biz korrupsioneri də sevirik!
Bizim sevmədiyimiz guya da təkcə ermənilərdir – son illər məlum oldu ki, yox e, biz elə ermənini də sevirik!
Bunlar günah, yanlış, səhv sevgilərdir!
Müəllim isə... sevimlidir, sevilməlidir, onun sevimli və sevilməli olması heç bir qıcıq yaratmır!

MÜƏLLİM mənim üçün bu gün də, bütövükdə və ümumilikdə xalqımızın düşüncəsində YEGANƏ İNSANDIR ki, o... bizi də, uşaqlarımızı da döyə bilər! Müəllimin şiddəti nəinki bağışlanan, hətta müstəhəbdir, lap belə arzuolunan məlhəmdir!

Mən məktəbimizin ən sevimli müəllimlərinin-müəllimlərimin şillələrini dünyanın ən gözəl, ən ləzzətli, ən şirin, ən müqəddəs təbərrik kimi canımda daşıyıram. Öpə bilsəydim o şillə yerlərindən, gündə min dəfə öpərdim: bu üçü, beşi, onu, yüzü ilə öpüşən sevgililərimin üzündən, dodaqlarından, saçlarından öpdüyümdən milyon dəfə saf öpüş olardı!

Əfruz müəlliməyə, nə biim Elinanın ölümünə laqeyd qalan o məktəb direktoruna, daha kimə görəsə Müəllim adına şübhə edən, istisnalıq yapan hər bir kəsdən iyrənirəm: Müəllim elə bir ucalığın, saflığın zirvəsidir ki, onu əfruzlar, elinaqatilləri, nə bilim, başqa o tip yaratıqlar ləkələyə bilməz!

Müəllim onlar deyİl – onlara müəllim işi verilibsə, doğrultmurlarsa, bu... MÜƏLLİMLƏRİN GÜNAHI deyil.

Müəllim öyrədəndir - elmi, biz döyüşü ayrılarından öyrənməliykən, müəllimlərdən bizə döyüşməyi öyrətməyi tələb edirik!

Biz ədəbi-ərkanı, əxlaqı ata-analarımızdan evdə öyrənməliykən, onu müəllimdən istəyirik ki, o öyrətsin!
Biz insanlığı, dövləti, xalqı, torpağı sevməyi, qorumağı evimizdəkilərdən öyrənib məktəbə getməliykən, müəllimdən istəyirik.

Əvəzində də Onun haqqını vermək istəmirik!

Bu gün əgər hələ də məktəbdə müəllimlik edən varsa... ayaqları dəyən yeri öpüb... həcc ziyarəti saymalıyıq!

Bu gün əgər hələ də cüzi müəllim maaşına gedib məktəbdə dərs deyən müəllim varsa, onun ürəyindən öpmək lazımdır!
Çünki biz Rusiyada onun-bunun qoltuğunda, onun-bunun paçasında başını aşağı salıb beş-üç rubl qazanıb dollara çevirib gəlib kəndin ortasında müəllimi palçığa basan gədəni öldürmədiksə, bu gün bizim Müəllimə irad tutmağa haqqımız yoxdur!

Bu gün biz uşaqlarımızı məktəbə yalnız dərs öyrənməyə göndərmirik ki müəllim dərs öyrətsin – bizim uşaqlarımız asqırır... fısqırır... anqırır... şıllaq atır və... biz istəyirik Müəllim həm də onları tərbiyə etsin! Buna görə ona maaş da vermirik!
Biz müəllimlərimizi vələdüzzinalarımızla yola getməyə məcbur etdik!

Biz küçüklük edənlərimizə kiçiklik etməyi öyrətmədik evimizdə!
Fərqinə də varmadıq: yaxşı müəllimlər yaxşı şagirdlər, yaxşı tələbələr olanda olur!

Şagird, tələbə heyvani əlaqənin nəticəsidirsə, Müəllim allahlıq edə bilməz, Allah deyil!

Biz müəllimdən Allah olmağı tələb edirik!

Dağ rayonlarının birində olmuş qədimi əhvalatdır: Müəllim dərsdə Yaponiyadan, onun sənaye sahəsində nail olduğu inkişafdan danışır, deyir ki, yaponlar aparat düzəldiblər, bu yandan donuz salırsan, o yandan kolbasa çıxır. İndi fb-də “sözsoxan”, “prikol”, “cool” uşaqlar var e, elələrinin dədəsindən biri olub, qayıdıb ki, mƏllim, olmaz bu yandan kolbasa soxasan, o yandan donuz çıxsın?
Müəllim deyir:
- Niyə olmur, a bala, biri elə sən, dədən bu yandan kolbasa soxub, o yandan da səni kimi donuz çıxıb!

Elementar bir yoxlama bəs edər: məktəblərdə bəs qədərdən də artıqdı “kolbasa donuzları”...

... Mən elə bilirdim Lənkəranda tarix müəllimliyi elə Rahim Nuriyevlə bitdi.

Amma indi görürəm ki, Lənkəranda Yadigar Sadıqlı da var!
Mən elə bilirdim ədəbiyyat müəllimliyi Malikəjdər Məmmədovla bitdi!

Amma gəldim Bakıda gördüm nəinki ədəbiiyat müəllimi, lap belə ədəbiyyat müəlliməsi DƏ var!

Mən elə bilirdim kimya müəllimliyi, fizika müəllimliyi, cəbr müəllimliyi Mahir İbrahimovla, Etibar Qasımovla, Akif Xalıqovla bitdi, amma sonra gördüm ki, Azərbaycanın hər yerində Azərbaycanın hər bir Aydın Canıyevinin Mahir İbrahimovu, Etibar Qasımovu, Akif Xalıqovu var.

Əgər varsa, bir qul oğlu qul MÜƏLLİM adına ikrah etməməlidir!

Əvvəl MÜƏLLİMİ özün əziz tutacaqsan, sonra MÜƏLLİMİNİN uşağını əzizləyəcəyini umacaqsan!

Biz Müəllimdən sərkərdəlik, prezidentlik, polislik, prokurorluq gözləyirik! Və... çox güman ki, mən bu fb-dən çox tezliklə gedəcəm. Artıq neçənci ildir ki, görürəm: dədələri adlarını yaza bilməyən "danalar" burada təbrik minnəti yapır, istisnalar edir, fəqət unudurlar: burada Rəbiyyə Zərdabi var, müəllim adına 28 il tələbələrinin sevimlisi olub! Bu gün də sevilir!
Burda Rizvanə xanım var - xanım nəslinin 50 illik müəllimlik stajıyla!

Burda atası, qardaşı, qardaşı qızı müəllim olan Himayət Rizvanqızı var!

Burada anası müəllimə olan Rüfət Səfərov var!
Burada bacısı müəllimə olan Şəkər Yusifli var!
Burada atası müəllim olan Xalid Kazımlı var!
Burada müəllim olan Aqil Kəngərli var!
Burada mənim adını fəxrlə çəkdiyim Akif Rüstəmov, Nəsir Əhmədli, Əli Hacıyev var!
Burada atası, anası, bacısı, qardaşı, oğlu, qızı, özü, toxum-tayfası müəllim olanlar var!
Ayırmaq lazımdır, “karusel və şəbəkə vintcikləri” ilə MÜƏLLİM ADINI daşıyanları! Ayırmağı bacara bilmək lazımdı! Hətta onları - “karusel və şəbəkə vintcikləri”ni tərbiyə etmək, yollarından dönmək dərsi vermək lazımdı onlara!

Necə?

Əgər bu fb-də, hələ ayrı yerdə demirəm, MÜƏLLİM MÜQƏDDƏSLİYİ, ŞƏRƏFİ layiq olduğu səviyyədə dəyərləndirilsəydi, onlara o hörmət göstərilsəydi, onlar olduqları zirvədən təqdim olunsaydı və MÜƏLLİMlərə olan SEVGİ hiss olunsaydı, təntənəsinə nail olunsaydı, inanın, əfruzkimilər infarkt olacaqdılar, öləcəkdilər, ən pis halda, ən yaxşı halda... Gültəkin Hacıbəyli olardılar – silahı qoyub keçərdilər bu tərəfə. Qovduqca qovduq ki, töbvə qapısına gəlməsinlər!
Müəllim Ağa Laçınlıdır!
Müəllim Kamil Vəlidir!
Müəllim Vurğun Əyyubdur!
Müəllim Əfruz Məmmədovdur Masallının Xıl kəndində – 55 ilin pedaqoqu! Maarif naziri dostu, qardaşın biri nazir müavini, qardaşın o birisi universitetdə fakültə dekanı, qardaşın axırıncısı texnikumda kafedra müdiri, ölkənin akademiki məktub yazır ona, amma öz doğma kəndində müəllimlikdən başqa heç bir işə getməyib, hətta dərs hissə müdirliyinə can atmayıb, o ki ola direktorluq, maarif müdirliyi!
Müəllim Balabəy müəllimdir - Züvüc kəndində!
Müəllim Qəzənfər Əliyevdir Tükəvilə kəndində - stadionun böyründən keçəndə komandalar meydançada oyunu saxlayır ki, birdən top gedib ona dəyər!
Müəllim Səfər müəllimdir - Gərmətük kəndində!
Müəllim Əlihüseyn müəllimdir - Gölyeri kəndində!
Müəllim Zakir Məmməddir - Qubada!
Müəllim Vilayət müəllimdir - Arabaçı kəndində!
Müəllim Rahim Nuriyevdir - Kərgəlanda, Lənkəranda! Mübarizə aparıb ölkəsinin azadlığı üçün, siyasi sistemin dəyişilməsində xidməti olub, hakimiyyətdə vəzifə tutub, təqibə, həbsə məruz qalıb, amma sınmayıb, əyilməyib, mövqeyini dəyişməyib və onunla düşmənçilik edən hakimiyyətdən öz müəllimlik işini məhkəmə yoluyla alıb!
Əfruz niyə müəllim olsun ki?
Ya o Elinanın ölümünə səbəb olan direktor niyə pedaqoq sayılsın ki?

Həə, o ayrı söhbətdi – təhsil zibillənib. Təhsili zibillərdən müəllim təmizləyəsi deyil, müəllim, uzağı, uzağı, məktəbdə zibili yığışdırtdıra bilər, onun üçün də süpürgə pulu yığmalıdır, hansı ki, elə onu da edir! Təhsildəki zibili hakimiyyət - iqtidar təmizləməlidir!

Heydər Əliyevin vaxtında yox idi belə bir şey! Amma indi var: baxmayaraq ki, Azərbaycan təhsilində ən hörmətli və ləyaqətli müəllimlərin sırasında adı çəkilən iki ismin – Nəsir İmanquliyevin, Mir Cəlal Paşayevin adı var, hakimiyyətdə birinci olan Ledi də o iki şəxsin qanını daşıyır!

Deməli, anlamaq lazımdır – hətta Birinci Ledimiz təhsilimizin dərdinə, qayğısına qala bilmir!
Faciə budur və biz bu gün bizə övladlarımıza müəllimlik edənləri hədəf etməməliyik!
Ölkədə nə qədər müəllim var? Onların içində nə qədəri bu hakimiyyətin quludur?
Lap tutaq ki:
Türmədə bir kamera yoldaşım var idi: “Aydın”. Özü subay olsa da, iki uşağı olan bir müəllimə ilə münasibəti vardı. Adam buna içəriyə hətta simkart yollamışdı tortun içində. Bankdan kreditə 10 min manat götürmüşdü ki, versin hakimə, buraxdırsın məhkəmə zalından – mümkün idi: dələduzluq üstündə tutulmuşdu, vurulan ziyanı ödəməklə çıxa bilərdi. Amma bu dostumuz neyləsə yaxşıdı? Atası da, qardaşı da müəllim olan bu heyvərə müəllimə sevgilisinin göndərdiyi simkartla çöldəki bütün məşuqələriylə danışırdı. Nə qədər desəm də ki, sənin fahişə kimi baxdığın bu qadın fahişə deyil, sən bu hərəkətinlə özünü məhv edirsən, qulaq asmadı! Çox az sonra – yəni ayın tamamında müəllimə gedir AZERCELL-ə, gələn və gedən zəngləri çıxardır. Arvadların hamısının da saçını yolur və türmə rəisinə aldığı nömrəni verir ki, yığ, filan məhbusda nömrə var, bu nömrəylə danışır!

Təbii ki, hakimə pul verilmədi, əvvəllər də məhkum olunan dustaq qardaş 10 il getdi!
Mən o müəlliməyə görə müəllimə münasibətimi dəyişmədim! Əksinə, dekabrist arvadlarını bizə soxuşduranlara cavabım elə o müəllimə oldu: arvadını hər gün sevib fəth etməyənin arvadını öpərlər!
Qloballaşma, avropalaşma, postmodernizm istəyirsiniz, amma qəbul etmirsiniz...
Nə olsun ki, müəllimə tanıyıram, oynaşlarını ik-üç ildən bir dəyişir, elə bil maşın dəyişir! O mənim üçün sadəcə kurtizankadır!
Mənim üçün MÜƏLLİMƏ Tamara Xəlilovadır – həm qadın adına, həm müəllimə adına!
Mənim üçün MÜƏLLİMƏ Əsli Əliyevadır, Tamara Hüseynovadır!
MÜƏLLİM Bahadır Əzimovdur adlarını yuxarıda çəkdiklərimlə birgə.
Bir kənddə bu qədər MÜƏLLİM varsa, nədən və niyə gileyliyik!?
Həə, onlar doğrudan da “çörək yeməyən, ayaqyoluna getməyən” müəllimlər nəslindən idi!
Biz sevilməyi günah olmayan, döyməkləri İlahidən səlahiyyətlərinə çevrilmiş MÜƏLLİMLƏRİ uca tutmadıqca, Müəllim görməyəcəyik!
Vahid Müəllim deyirdi ki, istə ki görəsən, gör ki görəsən!
Biz görmürük axı, istəmirik axı!
Bizə “tupoy” uşaqlarımıza attestat, diplom üçün rüşvət alan, tərbiyəsiz, əxlaqsız, vələdüzzina uşağımızı yola verən subyektlər lazımdır!
Biz müəllimi subyektə çevirən cəmiyyət yaratmışıq və MÜƏLLİMİ ÖYRƏTMƏN OLAN cəmiyyətin ləzzəti ilə yaşamaq istəyirik!
Alınmaz!
Nə qədər ki, anası seçkidə qutudakı bülletenlərin üstündə oturub müşahidəçisi olduğu partiya sədrindən 100 manatı almamış şair-yazıçılarımız var və onlar bilə-bilə ki, onların müəllimə anaları məntəqədən indi saxtakarlığa görə aldığı 100 manatla onun özünə və dədəsinə siqaret, uşağına pampers, arvadına tuman alıb gəlib, o da utanmadan xalqı onun yazdıqlarını başa düşməməkdə ittiham edir, özü də gedib Siyavuş Novruzovla oturub-durur, Əli Kərimlini havayı söyməyi bəyan edir, siz MÜƏLLİM görməyəcəksiniz!
MÜƏLLİM olanlar isə getdikcə azalacaq, heç olmasa, MÜƏLLİM OLUB MÜƏLLİM KİMİ QALANLARIN qəlbini qırmayaq, xətirlərinə dəyməyək!

Bu ölkədə gözəl, savadlı, ləyaqətli müəllimlərin olmasını bir faktla sübut etmək olar: həm Azərbaycanda, həm də Azərbaycandan kənarda oxuyan nə qədər yüksək savada malik övladımız var? Saysız-hesabsız! İndi deyəcəksiniz ki, repetitorların xidmətidir! "Dana", repetitor MÜƏLLİM deyil ki? Haçan dövlətin repetitorluqla qazandığı pulu müəllimə və müəllimələrə verəcək, onda, həə, MÜƏLLİM tələb edəcəksən!
SÖZARDI: Qardaşım ilyarım dərs deyəndən sonra çıxdı gəldi oturdu evdə. Əvvəla, ona görə ki, aldığı maaşla bilirdi nə evlənə, nə də ev saxlaya biləcək. Həm müəllimlik edib, həm də Hadı Rəcəbliyə qulaq asıb dərsdən onra divar hörməyə getməyi isə özünə sığışdırmadı. İşdən çıxandan sonra isə şagirdləri və valideynlər iki kisə məktub yazmışdılar şifahi xahiş-minnətdən əlavə - anam evin zirzəmisində saxlayır hələ də!
Qayıtmadı məktəbə! Getmədi. Qardaşım... şagirdinin dəlicəsinə vurulub ona ərə gələn çox az müəllimlərdəndir!
Beş dil bilən böyük qızım Azərbaycanda müəllimə işləmədi – hazırda Moskvada ingilisdilli məktəbdə işləyir!
Balaca qızım da yəqin ki, əmisi, bacısı kimi məktəbdə işləməz. Müəllim maaşıyla onun istəkləri tərs mütənasibdir!
Bəlkə də Azərbaycanda ən yaxşı müəllimlərdən biri mən olardım hörmətli professorumuz, istiqlalçı deputatımız, tarix elmləri doktoru Hacıbaba Əzimovun sayəsində. Olmadım. Niyəsini deyim: mənim çooox böyük müəllimlərim olub. Mən onlar kimi ola bilməyəcəyimi anladım! Müəllimliyə kölgə salmaq istəmədim. Maksimalistəm: ya mən ən yaxşısıyam, ya da ən pisi! Orta hədd mənlik deyil! Mən jurnalistliyimdən aldığım həzzi müəllimliyimdən ala bilməzdim!

İsitsnasız, məktəbə gəlib gedən bütün müəllimlərin addım atdığı yollarda ayaq izlərini Məkkə, Məşhəd, Kərbəla ziyarəti bilirəm!

Müəllim qulluğunda durmağı namazda bir ömürlük səcdədə durmağa bərabər sayıram!

Öpürəm sizi mənim əziz müəllimlərim və müəllimələrim!
Sizin ən yaxşı şagirdlərinizdən biri kimi, ruhunuz şad olsun deyə, ölkəmin bütün müəllimlərinə sevgilərimi səcdələrlə çatdırır və baş əyirəm!
MÜƏLLİM GÜNÜNƏ AYDIN SAYAĞI SÖZ ARDI...
06 oktyabr 2019 /

MÜƏLLİM GÜNÜNƏ AYDIN SAYAĞI SÖZ ARDI...

Похожие новости

Müəllim adı qazananların sayı açıqlandı

2019-2020-ci tədris ili üzrə müddətsiz müqavilə əsasında 3260 müəllim işə qəbul olunub. Onlardan 973 nəfər həvəsləndirmə tədbirləri tətbiq olunmayan ümumi təhsil müəssisələrinə, 2287 nəfər isə

25 il dərsə qayıqla gedən azərbaycanlı xanım müəllim -VİDEO

Neftçala sakini Səidə Qüdrətova düz 25 ildir ki, şagirdlərinə dərs demək üçün Kür çayının bir sahilindən digər sahilinə qayıqla keçir. Təhlükəli yolu təkbaşına gedən qadın müəllim, qayığı da özü

Məktəb haqqında lətifələr

Bir gün məktəbdə biologiya testi keçirilir. Müəllimə uşaqların hərəsinə bir böcəyin ayağnı verib deyir ki tapın hansı böcəyindi. Bir uşaq tapa bilməyib əsəbləşir. Qapını çırpıb çıxır. Biologiya

Müəllim olmaq istəyənlər qeydiyyatdan keçib

İyulun 2-dən başlayan Təhsil Nazirliyi sisteminə daxil olan ümumi təhsil müəssisələrinə müəllimlərin işə qəbulu üzrə elektron sənəd qəbulu iyulun 8-də yekunlaşıb. Təhsil Nazirliyinin verdiyi

Yaponiya məktəblərində kişi müəllimlər çoxluq təşkil edir

[img=left][/img] Yaponiyada müəllim peşəsi ən perestijli peşə sayılır və müəllim olmaq heç də asan iş deyil.Pedaqoji sahədə ən əzı bakalavr təhsili olan şəxslər .eyni zamanda Müəllimlərin İşə
Комментарии

НАПИСАТЬ КОММЕНТАРИЙ

Ваше Имя:
Ваш E-Mail:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Введите код:
Populyar xəbərlər
Gilyotinə qəhqəhəsiylə meydan oxumuş qadın döyüşçü: Əlcazairli CəmiləHesab məsələləriAzərbaycandan qaçan məmur haqda ilginc məlumatlar + FotolarMəktəblərdəki nöqsanlara görə kimlər cəzalandırılıb?Ermənistanla sərhəddə döyüş mövqeləri 1,5-1,7 kilometr irəli çəkilib - RƏSMİVilayət Eyvazov Tural Hacıyevi rəis təyin etdiPrezident İlham Əliyev Boris Consonu təbrik edib"7 POLİS" FİLMİNİN TƏQDİMAT MƏRASİMİ - VİDEOErməni polkovnik: “Azərbaycan Ordusu bizdən qat-qat güclüdür”Yakovlev İrəvanda dedi: Dərhal Qarabağı alın! - Rus kanalında şokAzərbaycanlı idmançı Moskvada dünya rekordu qırıb çempion oldu - FOTOAzərbaycan Dünya Bankının kreditindən imtina edibABŞ Senatından "erməni soyqırımı" ilə bağlı - Şok qərarAVMVİB ÜZVÜ OLAN VETERANLAR ANIM TƏDBİRLƏRİNDƏ..AVMVİB Rəhbərliyi və təşkilat üzvləri Anım günündə iştirak etdilərİlham Əliyevdən Heydər Əliyevin anım günü ilə bağlı paylaşım - FOTOAğdaş veteranları məktəblilərlə görüşdülər12 dekabr – Ümummilli lider Heydər Əliyevin anım günüdür!Xəzər rayon veteranları Ulu Öndəri andılar...1993-cü ildən etibarən erməni əks-kəşfiyyatı 20-dən artıq casusu aşkar edib: əksəriyyəti Bakıya işləyirdiHərbi Prokror X. Vəliyev: “Ulu öndər Heydər Əliyevin əziz və unudulmaz xatirəsi dünya tarixində və azərbaycanlıların qəlbində əbədi olaraq qalacaqdır”Erməni mediası: Paşinyan Putinin ifşa fotosunu yaydı Erməni mediası: Paşinyan Putinin ifşa fotosunu yaydıBakı və Tehran razılaşdı: Bu məhsullar çox ucuz olacaqAŞPA-nın həmməruzəçiləri Azərbaycana səfər edəcəkErmənistanın keçmiş prezidenti: "Nikol Paşinyan özünü Xilaskar İsus kimi təsəvvür edir"Əsirlikdə çörək üçün ermənilərlə güləşən çempionumuz - VideoDoğrudanmı, dünyada hər iki yüz nəfərdən biri Çingizxanın törəməsidir?ƏSİRLİKDƏ QALAN SOYDAŞLARIMIZSak oğlu Əmir TeymurQanlılıqNizami rayonunda tədbir keçirilib“EuroHome”də yanğın davam edir - VİDEODünyaya ağalıq edənlər: Akademiyamı, maliyyə qaynağımı?Osmanlıda qanuni əsasi...Qarabağda ermənilərə qan udduran azərbaycanlı qızdan DƏHŞƏTLİ ETİRAFLAR: Zəncirlə bağlayırdılar ki...Bu razılaşma ilə 4 ölkənin planını pozduq - ƏrdoğanQƏHRƏMAN, YOXSA QULDURBAŞI?İraqın beynəlxalq hava limanı BOMBALANDICeyhun Bayramov: "Gələn dərs ilindən ali məktəblərə qəbul yeni təsnifat əsasında aparılacaq”Barux ailəsi Rotşildlər və Rokfellerlərin təsirini necə poza bilərŞirvanlı Sultan Mehmet bəyQORBAÇOV ERMƏNİLƏRDƏN NİYƏ ÜZ ÇEVİRDİ?ORDAN-BURDAN"Müharibə başlasa Azərbaycanlılar bizi öldürəcək..." - Erməni polkovnikdən AÇIQLAMASalome Zurabaşvili: "İlham Əliyev zəmanəmizin ən uğurlu liderlərindən biridir”AVMVİB Zəngilan rayon şöbəsi yeni ofisdəAzərbaycanda PKK-nı təbliğ edən keçmiş məmur özünü asıbQarabağ döyüşçüləri tələbələrlə görüşdüAZƏRBAYCAN ORDUSUNUN İLK NİZAMİ HƏRBİ HİSSƏSİBu, baş verməsə, Qarabağda MÜHARİBƏ OLACAQ – Rusiyadan ŞOK XƏBƏRDARLIQElmar Vəliyevi vuran Yunis Səfərovla bağlı yeni ŞOK DETALLARHabil Vəliyev azadlığa buraxılıbSiyavuş Novruzov müxalifəti ağac əkməyə dəvət etdiİçib erməniləşən "azərbaycanlılar"ın adı açıqlandıPrezident: “Mənim ümidim gənclərədir”Telefon danışığınızı kim dinləyir? – Bu KOD ilə hər şeyi öyrənəcəksinizDeputatlığa namizəd olmaq istəyənlərin diqqətinə! - Bu gündən başlandıTürkiyəli nazir Azərbaycan şəhidinin övladının əlindən öpüb - FOTO - VİDEOTƏBRİK: RASİM PAŞAYEV - 50AVMVİB Nəsimi rayon şöbəsinin təşkilatçılığı ilə tədbir keçirildiİlham Əliyev: "Biz xalq üçün yaşayırıq, dövlət xalqı qorumalıdır"Tağıyevin villası satışa çıxarıldı - 5 milyon manataHəmyerlimiz Pentaqonda yüksək vəzifəyə təyin olunduPrezident Məhəmməd Hadinin 140 illiyinin qeyd edilməsi haqqında sərəncam imzalayıbDİFAİ ONA TABE OLMAYANLARI CƏZALANDIRIRDIPaşinyanın özünü bilməz Annası da sərsəmlədi"Müharibə veteranı" vəsiqəsi hansı sənədlər əsasında verilir? - Hüquqi YARDIMMüharibə veteranı məhkəmələrin ədalətsizliyinə üsyan etdiOlmayan binanın sakinləri BakıMetro QSC-ni günahkar sayırlar - VİDEOAVMVİB Sabirabad rayon şöbəsində"Mən İlham Əliyevin necə millətsevər bir lider olduğunu bilirəm"AZƏRBAYCAN CÜMHURİYYƏTİNİN LƏNKƏRAN ƏMƏLİYYATIRusiyada Njde ilə yanaşı Andranik, Hamazasp və Hovhannesin də xatirə löhvələri sökülübGöydən yaşayış evinə görün nə düşdü - Polis hadisə yerində - FOTOLARErmənistan Milli Təhlükəsizlik Xidmətindən xəbərdarlıq: "Azərbaycanlı ola bilər"Paşinyan rəsmi nümayəndə heyəti Azərbaycana göndərir"Yəni, boynumuza alırııq ki, pis işləmişik?" - Deputat Oqtay Əsədovla söz davasına çıxdı"Azərbaycan hazırda çox aktiv islahatlar mərhələsindədir" - PrezidentErməni KİV: Cahil və təlxək Nikol Paşinyan bulvar mətbuatının redaktoru kimi fəaliyyətini davam etdirirPrezident parlamentin buraxılması ilə bağlı qərar qəbul etməsi üçün Konstitusiya Məhkəməsinə sorğu göndəribBiri gəbərib, bir isə yaralanıb833 məcburi köçkün gəncə şəxsi biznesini qurmaq üçün avadanlıqlar təqdim edilibİlham Əliyev Rusiyanın Xarici İşlər nazirini qəbul edib"Yəni, boynumuza alırııq ki, pis işləmişik?" - Deputat Oqtay Əsədovla söz davasına çıxdıPrezident Gündüz Kərimovu yüksək vəzifəyə təyin etdi - SƏRƏNCAMBAŞSAĞLIĞI: Allah rəhmət eləsin!Ermənistan lideri Azərbaycan torpağında DÖYÜŞ MÖVQEYİ aldı...-FOTOLAR+VİDEOSərhəd tanımayan erməni həyasızlığı abırsız erməni hiyeredulunun simasındaNƏSİLLƏRƏ MUSİQİ YOLUYLA NƏZARƏT EDƏN FREKANS: A=440 HZ“Biz Madagizdə qalib xalqın nümayəndələri kimi oturmuşuq!..”Türk dünyasının yeni paytaxtı seçildiDoqquz insan növünü məhv edəcək dərəcədə vəhşiyikmi?Tanıyın, tanıdın: Vətən qəhrəmanlarıyla tanınar!Şəhid Adil Rüstəmovun xatirəsinə həsr edilmiş futbol turnirinə start verildiQarabağın Həcəri od püskürdü: Acı həqiqətlər...İlham Əliyev: Həyata keçirdiyimiz bu nəhəng layihələr bizim gücümüzü artırır — VİDEOQadın döyüşçülərin sədri Cümşüd Nuriyevə səsləndiAVMVİB Balakən rayon şöbəsindəAVMVİB Tovuz rayon şöbəsindəQəhrəmanların ölümü
AZƏRBAYCAN VƏTƏN MÜHARİBƏSİ VETERANLARI İCTİMAİ BİRLİYİ