DÜNYA BELƏ DÜNYADI... » Fedai.az


0

DÜNYA BELƏ DÜNYADI...

Görünüm: 330
DÜNYA BELƏ DÜNYADI...
GÜLQARDAŞ ZÜLFÜQAR

DÜNYA BELƏ DÜNYADI...

Üzün qara olsun, fələk,
Gədalar bəy, olub indi.
Ayaq tutub hiylə, kələk,
Doğru harda qalib indi?

Harda qalıb mərd ərənlər,
Dost yolunda can verənlər?
Pambıq ilə baş kəsənlər,
Yer üzünü alıb indi.

Fərq qoyan yox şora, yağa,
Ağıl verər sənə çağa
İşin düşər hər alçağa,
Yüz yol gözün, dolub indi.

Gizləyərək göz yaşını,
Hər kəs qoruyar başınI,
Qardaş atıb qardaşını,
Etibarsız olub indi.

DÜNYA BELƏ DÜNYADI...
A ZALIM

Dəli sevda hardan doldu başima,
Nə biləydim, uyğun deyil yaşıma?
Sənsizliyim qarışıb göz yaşıma,
Yanar oda, buz deyirsən a zalım!

Dünya heçdi, gözüm səntək sonada,
Geden gedib, ömrüm günüm fənada,
Sən atlısan, mən qalmışam piyada,
Gündə yüz cür, söz deyirsən a zalım!

Aşiqinəm sözdə yoxdu yalanım,
Pərvanəyəm, atəşinə qalanım,
Mən deyirəm, qoy başına dolanım,
Gendə dolan, gəz deyirsən a zalım!

Ürəyimin tükənibdi aramı,
Sən zalımsan, yoxsa bəxtim qaramı?
Dözdüyümə dözə bilməz Həramı,*
Elə gözlə, döz deyirsən a zalım!

--------------------------------------------------
*Hərami Hacıqabulda dağ adıdır


DÜNYA BELƏ DÜNYADI...
Yanlış Bağlantı Var?

Sorun Çözümü CTRL+ENTER.
В görünen pencere , sorunu tanımlamak ve Yönetim kaynağı gönderin.

Yorum:0



YORUM EKLE

Kodu Girin:*

Hüququ

Əlaqe

E-mail : fedaiaz.fedaiqezeti.94@bk.ru
Unvan : R.Quliyev Kucesi Ev 2
Telefon : +994513146060
Telefon 2: +994553343903
Telefon 3: +994773146060
Redaktor : Elnur Selimov

Müəllif hüquqları qorunur. Fedai.az-ın məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.