AZƏRBAYCAN VƏTƏN MÜHARİBƏSİ VETERANLAR İCTİMAİ BİRLİYİ (AVMVİB) QƏBƏLƏ RAYON ŞOBƏSİNƏ YENİ SƏDR TƏYİN OLUNDU.
Müharibə veteranı, ehtiyatda olan polkovnik — leytenant Qaçayev Rafiq Zinhar oğlu Azərbaycan Vətən Müharibəsinin Veteranlar İctimai Birliyi (AVMVİB) sədrinin əmriylə Azərbaycan Vətən Müharibəsi Veteranları İctimai Birliyi (AVMVİB) Qəbələ rayon şöbəsiə sədr təyin edildi.
AVMVİB sədri Füzuli Rzaquliyev Rafiq Zinhar oğlu Qaçayevi təbrik edərək, gələcək fəaliyyətində, xüsusən Qəbələ rayonunda müharibə veteranlarının ictimai fəaliyyətinin təşkilində öz bilik və bacarığından istifadə edəcək. Rayon şöbəsinin fəaliyyətinin dirçəlməsinə öz töhfəsini verəcək.
Mərasimdə Azərbaycan Vətən Müharibəsinin Veteranlar İctimai Birliyi (AVMVİB) sədrinin müavinləri Vahid Abdurəhmanov, Salman Musayev, NTK sədri Niyazi Quliyev və Mətbuat Xidmətinin rəhbəri Xaqani Ədəboğlu iştirak ediblər.
Rafiq Qaçayev göstərilən etimada görə AVMVİB sədri Füzuli Rzaquliyevə və AVMVİB Rəhbərliyinə öz minnətdarlığını bildirib və öz işiylə bu etimadı doğrultmağa çalışacağını qeyd edib.
Polkovnik — leytenant Qaçayev Rafiq Zinhar oğlu 1961 — ci ilın iyul ayının 26 — da Azərbaycan Respublikasının Qəbələ rayonun Vəndam kəndində zəhmətkeş ailədə dünyaya göz açıb.
Polkovnik-leytenant Qaçayev Rafiq Zinhar oğlu 1978 — ci ildə Qəbələ rayonunun Vəndam kənd 1 nömrəli tam orta məktəbini, 1980 — ci ildə Bakı şəhər 84 nömrəli Texniki peşə məktəbini, 1990 — cı ildə SSRİ Daxili İşlər Nazirliyinin Omsk Ali Milis (polis) məktəbini bitirib. O, Daxili İşlər Nazirliyinin Daxili Qoşunlarında və Daxili İşlər Orqanlarında xidmət etdiyi illər ərzində , Daxili İşlər Nazirliyinin müvafiq strukturlarında keçirilən bir çox metodiki — təlim toplanışlarda, xüsusi — taktiki təlimlərdə , Komando — qərargah məşqlərində, müvafiq kurslarda, seminar və konfranslarda fəal iştirak edib.
1980 -1982 — ci illərdə Sovet Ordusunun Pskov vilayətində yerləşən hərbi hissələrdə müddətli həqiqi hərbi xidmətdə olub. 1983 — 1984 — cü illərdə Rusiya Sovet Federativ Sosialist Respublikasının Kemerov vilayətində Şaxtada müxtəlif vəzifələrdə xidmət olub.
1984- 1986 — cı və 1990 -.1991 -ci illərdə SSRİ Daxili İşlər Nazirliyinin Kemerov vilayətin Osink rayon milis ( polis) şöbəsində polis nəfəri, əməliyyat müvəkkili, cinayət- axtarış bölməsinin rəisi vəzifəsində çalışıb.
1992 — 1996 — cı illərdə Azərbaycan Respublikası Daxili işlər Nazirliyin Daxili Qoşunların Baş İdarəsində Əməliyyat — Axtarış bölməsinin rəisi, Döyüş Hazırlığı İdarəsinin baş zabiti, 1997 -2017-ci illərdə Daxili İşlər Nazirliyinin Baş İctimai təhlükəsizlik idarəsində inspektor, baş inspektor, şöbə rəisinin müavini və şöbə rəisi vəzifələrində Vətənə Dövlətə və Xalqa sədaqətlə xidmət edib.
Rafiq Qaçyev Daxili İşlər Nazirliyindən təqaüdə çıxdıqdan sonra 2018 — ci ildən etibarən Azərbaycan Respublikasının Qəbələ rayon polis şöbəsində katibliyin rəisi vəzifəsində işləyir.
Azərbaycanın Ərazi bütövlüyü uğrunda (Ağdam, Ağdərə, Füzuli və Cəbrayılı rayonları istiqamətində) gedən döyüşlərdə iştirak edərək ona həvalə edilmiş vəzifə və tapşırıqların öhtəsindən layiqincə gəlmişdir.
Polkovnik leytenant Rafiq Qaçayev Cinayətkarlığa qarşı mübarizədə, ictimai qaydanın qorunmasında, ictimai təhlükəsizliyin təmin edilməsində, o cümlədən əməliyyat şəraitinin təhlili, idarəçilik mexanizminin təkmilləşdirilməsi, kompleks tədbirlərin hazırlanması və digər sahələrdə üzərinə düsən məsul vəzifələri hər zaman layiqincə yerinə yetirmişdir, bu illərdə bir çox əməkdaşın yetişməsində xüsusi əməyi olmuşdur. O,təqaüdə çıxandan sonra da şəxsi heyətin hərbi — vətənpərvərlik tərbiyəsində və peşəkarlığın artırılmasında yüksək səviyyədə bir çox işlər görür.Polis vetiranı kimi Daxili İşlər orqanlarının ictimai həyatında yaxından iştirak edərək, zəngin həyat və xidməti təcrübəsini daimi gənclərlə bölüşur.
O, Daxili İşlər Nazirliyinin Daxili Qoşunlarının Baş İdarəsində və Baş İctimai təhlükəsizlik idarəsində xidmət etdiyi illər ərzində öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi və Polis Andın, Daxili İşlər Nazirliyinin post — patrul, Daxili Qoşunların Döyüş xidməti nizamnamələrin tələblərinin əmir və sərancamların dəqiq və sözsüz yerinə yetirilməsi işində daimə nümunə olmuşdur.
Polkovnik leytenant Rafiq Zinhar oğlu Qaçayevin hərbi və polis yoldaşları onu vətənpərvər, cəsarətli, qorxmaz, saxavətli, insanpərvər, əliaçıq və zəhmətkeş zabit kimi dəyərləndirirlər. O,istər təhsil aldıgı orta və ali təhsil müəssisələrində, istərsə də xidmət etdiyi və işlədiyi kollektivlərdə, qohum-əqrəba, dost — tanış arasında özünə layiq hörmət qazanıb .
Xidməti vəzifələrin icrasına məsuliyyətlə yaşadığına görə SSRİ və Azərbaycan Respublikasının Daxili İşlər Nazirlərinin və onların müavinlərinin, Daxili Qoşunlar Komandanın, Ali Mils məktəb rəisinin, İdarə və şöbə rəislərinin, eləcədə “Azərbaycan Vətən Müharibəsi Veteranlar” İctimai Birliyinin sədrinin müvafiq əmrləri ilə » əla xidmətlərə görə » döş və yubiley nişanları ilə təltif olunub, fəxri fərmanlarla və qiymətli hədiyələrlə mükafatlandırlıb və ona təşəkkür elan edilib.
Azərbaycan Respublikasının müstəqilliyinin, ərazi bütövlüyünün qorunub saxlanılmasında , respublikada əmin — amanlığın təmin edilməsində, cinayətkarlığa qarşı mübarizədə öz xidməti vəzifələrini yerinə yetirərkən fəriqləndiyinə görə aşağıdakı medalarla təltif edilib:
-» Azərbaycan Polisinin 90 illiyi ( 1918 — 2008) » yubiley medalı ilə;
— «Azərbaycan Polisinin 95 illiyi ( 1918 — 2013) » yubiley medalı ilə;
— «Polis Veteranı» medalı ilə;
-» Daxili işlər orqanlarında Qüsursuz xidmətlərə görə» 3 dərəcəli medal ilə;
-» Daxili işlər orqanlarında Qüsursuz xidmətlərə görə» 2-ci dərəcəli medal ilə;
— » Daxili işlər orqanlarında Qüsursuz xidmətlərə görə» 1-ci dərəcəli medal ilə;
-“Böyük Zəfər” Medalı ilə;
-“Müharibə Veteran” Medalı ilə;
-“Sillahlı Qüvvələrin Yaranmasının 100 illiyi ” (1918-2018) medalı ilə
-“Azərbaycan Vətən Müharibəsi Veteranlar İctimai Birliyinin 25 illiyi” (1994-2019) medalı ilə
Təyinat münasibətiylə Rafiq Qaçayevi təbrik edir və gələcək fəaliyyətində uğurlar arzu edirik!
Azərbaycan Vətən Müharibəsi Veteranları İctimai Birliyi (AVMVİB) sədrinin müavini polkovnik Salman Musayev