Azərbaycan Vətən Müharibəsi Veteranları İctimai Birliyi (AVMVİB) Nəsimi rayon şöbəsinin sədri polkovnik Elmar Hüseynovun rəhbərliyi ilə bir qrup müharibə veteranı — İlham Rüstəmov, Vidadi Ağagülov, Qazi Elmin, AVMVİB Tərtər rayon şöbəsinin sədri Çingiz İsayev, iş adamı Rauf bəy, incəsənət nümayəndələri N saylı hərbi hissədə əsgərlərlə görüşüblər.
Onlar Müzəffər Ordumuzun zabit və əsgərlərini Dünya Azərbaycanlılarının Həmrəylik günü və Yeni il münasibəti ilə təbrik ediblər. Hərbi hissəyə təşrif buyurmuş qonaqlar gətirdikləri sovqatları əsgərlərimizə çatdırıblar.
İncəsənət ustaları Asif İsaoğlu, Gülbəniz Rəcəbli, Vəsilə Qarabağlı, bəstəkar Tofiq Ağayev böyük konsert proqramı ilə çıxış ediblər. Onların repertuarları əsgərlər tərəfindən maraqla qarşılanıb.
Qonaqlar əsgərlərimizin qidalanması, məişət şəraiti ilə yaxından tanış olublar.
E. Hüseynov
