2024 cü il 27 Sentyabr Anım günündə Azərbaycan Vətən Müharibəsi Veteranları İctimai Birliyinin Tərtər rayon şöbəsi, Tərtər rayonunda yerləşən Şəhidlər abidəsini ziyarət ediblər. Anım gününündə Rayon İcra hakimiyyəti, hüquq mühafizə orqanları, şəhid ailələri, qazilər, veteranlar və digər qurumların nümayəndələri iştirak ediblər. Əvvəlcə ölkəmizin ərazi bütövlüyü uğrunda canlarını fəda edən əsgər və zabitlərimizin xatirəsi yad edilib.Rayon rəhbəri çıxışında qeyd edib ki, 44 günlük Vətən müharibəsində qəhrəman tərtərlilər yüksək dözüm, dəyanət nümayiş erdirdilər. Ön cəbhədə olduğu kimi arxa cəbhədə də mülki insanlar şəhid oldu, yaşayış məntəqələrimiz atəşə tutuldu, ancaq düşmənə bir qarış da torpaq verilmədi. Vətən müharibəsində Ermənistan silahlı birləşmələri beynəlxalq hüquq normaları ilə müəyyən olunmuş qaydaları pozaraq, Tərtər şəhəri də daxil olmaqla rayonun yaşayış məntəqələrinə 16 min 277 top, tank, qrad mərmisi, 21 qadağan olunmuş raket atıb, bəzi günlərdə Tərtərə 2000-dən çox mərmi atılıb. “Tərtər şəhəri II Dünya müharibəsindən sonra Avropanın ən çox bombalar və raketlərin atıllmış olduğu şəhərlərindən biridir!”
Ermənistanın silahlı birləşmələri tərəfindən mülki şəxslərin çoxsaylı əmlakına ciddi ziyan vurulmuş, yaşayış evləri, çoxmənzilli yaşayış binaları, qeyri-yaşayış sahələri dağıdılmışdı. Ümumilikdə, düşmən tərəfin silahlı birləşmələrinin dinc əhalini atəşə tutması nəticəsində 16 nəfər qətlə yetirilmiş, 63 nəfər müxtəlif dərəcəli bədən xəsarətləri alıb ki, onların arasında qadın və uşaqlar da var.
Vətən müharibəsində rayonumuzda 46 hərbi qulluqçu şəhid olub, 57 nəfər hərbi qulluqçumuz isə yaralanaraq sağlamlığını itirib. 1554 nəfər Vətən müharibəsi veteranımız var.
İşğal altında olan torpaqlarımız qəhrəman şəhidlərimizin, əsgər və zabitlərimizin, qazilərimizin qanı və canı bahasına azad olundu.
Sonra Vətən Müharibəsi Qəhrəmanı, şəhid polkovnik-leytenant Anar Əliyevin atası Vaqif Əliyev çıxış edib, şəhər 1 saylı tam orta məktəbinin 7-V sinifinin , sinif Rəhbəri Gülnar Həsənovanın şagirdləri şəhidlərə, Vətənə həsr edilmiş şeirlər söyləyiblər.
Sonda ziyarətçilər tərəfindən Şəhidlər Abidə Kompleksinin önünə gül-çiçək dəstələri düzülüb, şəhidlərin xatirəsi ehtiramla anılıb.
AVMVİB Mətbuat xidməti
Elçin Qədirov
