“Bizi əmin etməyə çalışırlar ki, ermənilərin heç vaxt qələbəyə şansı olmayıb, indi də yoxdur”.
Erməni mətbuatı xəbər verir ki, bu fikirləri “şərəfim var” fraksiyasından deputat olan Tiqran Abramyan səsləndirib.
O bildirib ki, hökumət cəmiyyəti yeni güzəştlərə hazırlayır: “Müharibədən sonrakı dövrün ən böyük problemlərindən biri də odur ki, insanlarımızı psixoloji məhv etməyə çalışırlar. Həm orduda, həm də cəmiyyətdə saxta sülhsevər motivlər və “sülh dövrü” vədləri ilə mübarizə ruhunu pozmağa cəhd edirlər. Bizi inandırmağa çalışırlar ki, artıq mübarizə mənasızdır və ermənilərin qələbəyə heç bir şansı olmayıb, indi də yoxdur. Son məqsəd isə cəmiyyəti yeni güzəştlərə hazırlamaqdır. Bunun üçün insanları güzəştsiz sülhün olmayacağına inandırırlar” – Abramyan vurğulayıb.
“Seçki sonrası apatiyanı (laqeydlik, marağın olmaması) aradan qaldırmaq, ənənəvi mübarizə üsullarını dəyişdirmək və insanlarla başa düşdükləri bir dildə danışmaq lazımdır” – deyə Tiqran Abramyan bildirib.
Müşviq Tofiqoğlu
Mənbə: KONKRET.az