Virusun yeni, daha təhlükəli variantları olmasa, koronavirus pandemiyası gələn ilin ortalarına qədər bitə bilər.
Bu fikri Microsoft korporasiyasının təsisçisi Bill Qeyts Sinqapurda keçirilən Yeni İqtisadiyyat Forumu zamanı deyib.
Onun sözlərinə görə, gələn il COVID-19 üçün yeni dərmanların ortaya çıxması, peyvəndlər və təbii toxunulmazlığın inkişafı fonunda xəstələnmə və ölüm nisbəti “azalmalıdır”. Yeni ştammların olmadığı təqdirdə dərəcələr «mövsümi qrip məlumatlarına» çata bilər.
Bundan əlavə, Geyts gələn il «peyvənd təchizatı problemlərini həll etməyi» səbirsizliklə gözləyir. O, həmçinin yeni pandemiya təhlükəsini azaltmaq üçün və qripin kökünü kəsmək üçün hər kəsi daha aktiv işə çağırıb.
Bundan əvvəl Bill Qeyts bildirmişdi ki, koronavirus peyvəndi hamı üçün əlçatan olan 2022-ci ilin sonuna kimi dünya «tamamilə normal vəziyyətə qayıda bilər». Onun fikrincə, yaxın gələcəkdə Böyük Britaniya və ABŞ kimi inkişaf etmiş ölkələr öz əhalisinin böyük hissəsini peyvənd edə biləcəklər. Bu, onlara dərmanı inkişaf etməkdə olan ölkələrə və dünyanın bütün digər ölkələrinə çatdırmağa imkan verəcək.