F-16 qırıcılarının Türkiyəyə satışına icazə verilə bilər

ABŞ administrasiyası hesab edir ki, F-16 qırıcılarının Türkiyəyə satışı milli təhlükəsizlik maraqlarına uyğundur. 
 
«Reuters» Dövlət Departamentinin Konqresə göndərdiyi məktuba istinadən bu məlumatı yayıb.
 
ABŞ-ın Türkiyə ilə gərgin münasibətlərinə baxmayaraq, onun Ukrayna ilə müdafiə əlaqələri «regionda zərərli təsirlərə qarşı mühüm maneə kimi qiymətləndirilir.
 
Məktubda F-16 qırıcılarının mümkün satışına dair heç bir zəmanət və ya müddət göstərilməsə də, Vaşinqton hesab edir ki, NATO-nun maraqları və milli təhlükəsizliyi, digər məsələlərlə yanaşı, ABŞ və Türkiyə arasında müdafiə ticarəti əlaqələri də dəstəklənir. 
 
ABŞ administrasiyası həmçinin hesab edir ki, Ankara Rusiyadan S-400 zenit-raket komplekslərinin alınmasına görə artıq «əhəmiyyətli qiymət ödəyib”.