Gəmidə oturub gəmiçiyə «xox» gələn çaqqallar və onların havadarlarına
Çaqqal dönüb quduza,
Hürüyür «Ay- Ulduz»a ,
Varın qoyub qumara,
Kim uda , kim uduza…
Ulaq, boz və ağ ayı
Bölə bilmirlər payı.
Boz qurda göz ağardır,
O taydan molla «dayı».
Oturublar gəmidə ,
İtiriblər çəmi də.
Gəmiçiyə «xox» gəlir ,-
Tülküyə tay «əmi» də…
Xain çıxıb bülbülə ,
Göz dikib qızılgülə,
Birləşib bayquşla — sar,
Səsləri qalxıb zilə.
Çağırıb sağ -solunu ,
Uzadıb əl — qolunu,
Boz qurda tələ qurub ,
Bağlayıblar yolunu.
Səbri yenə daşacaq ,
Dağ -dərəni aşacaq ,
Boz qurd zəfər çalaraq,
Xankəndini alacaq !
Bayram Agridag