Gömrükçülərin peşə bayramıdı

Bu gün Müstəqil Azərbaycanın gömrük orqanlarının yaradılmasının 31-ci ildönümüdür.

Dövlət Gömrük Komitəsi (DGK) Azərbaycan suverenliyini bərpa etdikdən üç ay sonra — 1992-ci il yanvarın 30-da yaradılıb.

Azərbaycan Prezidenti Heydər Əliyevin 1997-ci ildə imzaladığı sərəncamla hər il yanvarın 30-u gömrük əməkdaşlarının peşə bayramı günü elan edilib.

Gömrük xidməti respublikamızın iqtisadi inkişafına təkan verməklə, ölkənin iqtisadi qüdrətinin artırılmasında, əhalinin sosial vəziyyətinin yaxşılaşdırılmasında Prezident İlham Əliyevin həyata keçirdiyi iqtisadi siyasətin yeni-yeni uğurlar qazanmasında mühüm rol oynaır.

Gömrük xidmətində çalışanların arasında Azərbaycan Vətən Müharibəsi Veteranları İctimai  Birliyinin üzvləri, müharibə veteranları da var.

Azərbaycan Vətən Müharibəsi Veteranları İctimai  Birliyinin (AVMVİB) rəhbərliyi Dövlət Gömrük Komitəsi sədrinin birinci müavini, sədr vəzifəsini müvəqqəti icra edən cənab Şahin Bağırov başda olmaqla  bütün Gömrük Komitəsinin əməkdaşlarını təbrik edir və gələcək fəaliyyətində uğurlar diləyir.