Əfqanıstan müharibə veteranlarının bölgə sədri istefada olan polis polkovniki Şəmil Həsənovun təşkilatçılığı ilə fevral ayının 15-də Göygöldə sovet qoşunlarının Əfqanıstandan çıxarılmasının 35-ci ildönümü ilə bağlı tədbir keçirildi.
Tədbirdən əvvəl tədbir iştirakcıları Ümummilli Lider Heydər Əliyevin xatirəsi alınıb büstü üzərinə gül dəstəri qoyub.sonra isə Azərbaycanın suverenliyi, ərazi bütövlüyü uğrunda canından kecmiş qəhrəman şəhidlərin xatirəsi ehtiramla yad edib,məzarları üstünə gül dəstəri qoyublar.
Tədbirdə Göygöl rayon icra hakimiyyətinin Vətən Müharibəsi Veteranları və şəhid ailələri ilə işin təşkili şöbənin müdiri Sərdar Babayev, həmin şöbənin böyük məsləhətçisi Sadiq Abbaszadə,Azərbaycan Vətən Müharibəsi Veteranları İctimai Birliyin Göygöl rayon şöbəsinin sədri Həbib Hüseynov, şəhid ailələri və müharibə veteranlar iştirak ediblər. Öncə ümummilli lider Heydər Əliyevin, Vətənimizin müstəqilliyi, ərazi bütövlüyü uğrunda və Əfqanıstan müharibəsində şəhid olanların xatirəsi bir dəqiqəlik sükutla yad edilib, Azərbaycan Respublikasının Dövlət himni səsləndirlib.
Öncə Əfqanıstan Müharibəsinin bölgə sədri Həsənov Şamil Bayram oğlu çıxış edərək bildirdi ki, 1979-cu il dekabrın 25-dən 1989-cu il fevralın 15-dək keçmiş Sovet İttifaqının 40-cı ordusu Əfqanıstan ərazisində olduğu müddətdə beynəlmiləlçilik missiyasını yerinə yetirərək 416 irimiqyaslı hərbi əməliyyat keçirib. «SSRİ-nin tərkibində olan keçmiş sovet respublikalarından 68 millətin nümayəndəsindən ibarət 620 mindən çox hərbçi Əfqanıstandakı əməliyyatlarda iştirak edib. On illik Əfqanıstan müharibəsində 9000-dən artıq azərbaycanlı iştirak edib. Onlardan 208-i müharibədə həlak olub, 420 nəfər əlil olub, 7 nəfər isə itkin düşüb.
Əfqanıstan müharibəsində döyüşmüş azərbaycanlılar da çoxsaylı qəhrəmanlıq nümunələri göstəriblər. Əfqanıstan müharibəsinin azərbaycanlı iştirakçıları Qarabağ müharibəsində də torpaqlarımızın ərazi bütövlüyü uğrunda döyüşüblər. Əfqanıstan müharibəsi veteranlarından 17 nəfər ölkəmizin ərazi bütövlüyü uğrunda döyüşlərdə göstərdikləri igidliklərə görə Azərbaycanın Milli Qəhrəmanı adına, yüzlərlə veteran isə müxtəlif orden və medallara layiq görülüblər. Azərbaycanlı veteranların fədakarlıqları gənclərimiz üçün əsl qəhrəmanlıq örnəyidir».
Xidmət rəisi bu gün ölkəmizdə 7 minə yaxın Əfqanıstan müharibəsi veteranının olduğunu, onların cəmiyyət həyatında fəal iştirak etdiklərini və gənclərin hərbi vətənpərvərlik ruhunda tərbiyəsi işinə mühüm töhfələr verdiklərini vurğulayaraq qeyd etdi ki, ulu öndər Heydər Əliyev Əfqanıstan müharibəsinin iştirakçılarına yüksək diqqət və qayğı göstərib. Bu siyasət hazırda Prezident İlham Əliyevin rəhbərliyi ilə uğurla davam etdirilir.
Cıxış edənlər bildirdilər ki, Əfqanıstan müharibəsinin başa çatmasından 35 il keçməsinə baxmayaraq həyatımızın unudulmaz mərhələsi kimi yadda qalıb.Azərbaycanda Əfqanıstan müharibəsi veteranlarına göstərilən hərtərəfli diqqət və qayğıdan,
«Əfqanıstanda gedən müharibə illərində beynəlmiləlçi döyüşçülər əvəzsiz döyüş təcrübəsi qazanmasından, adlarını qəhrəmanlar sırasına yazdırmalarlnan söz acıblar.
Prezident İlham Əliyev şəhid ailələrinə, veteranlara qayğı göstərilməsini, onların sosial-məişət problemlərinin həllini daim diqqət mərkəzində saxlanmasından danışdılar.
Çıxışlardan sonra bir sıra müharibə veteranları fərmanlarla təltif olunudu eləcə də tədbirdə iştirak edənlərlə birgə xatirə şəkili cəkildi.
