Bu gün daha bir silahdaşımızın — AVMVİB Yasamal rayon şöbəsinin sədr müavini Ağayev İlkin Elman oğlunun doğum günüdür. İlkin Ağayev 1986-cı ilde Göyçay rayonunun Cəyirli kəndində anadan olub. 1992-ci ilde Cəyirli kənd orta məktəbinə daxil olub, orta məktəbi bitirdikdən sonra Göyçay Dövlət İdarəetmə və Texnologiya kollecinə daxil olub və 2005-ci ildə həmin təhsil müəssisəsinin «Nəqliyyat vasitələri texniki istismarı» fakültəsini bitirib. 2005-ci ildə Göyçay rayon Hərbi komissarlığı tərəfindən Həqiqi hərbi xidmətə çağrılıb. Xidmətinə Gəncədə yerləşən N saylı hərbi hisədə başlayıb . Vətənə bağlılığı İlkini bu səfər də yolundan döndərə bilməmiş və onu hərbi təhsil alamağa sövq etmişdir.
İlkin Ağayev hərbi təhsilində həmişə daha da irəliyə getməyə can atmışdır. Belə ki, o, xidmətini davam etmek üçün Silahlı qüvvələrin TTM Gizir hazirliği kursuna qəbul olur. 2006-cı ildə Tağım komandiri müavini və Tank komandiri kursunu müvəffəqiyyətlə bitirərək gizir hərbi rütbəsi ile Tank komandiri kimi xidmətə davam etmişdir. 2013-cü ildə ordu sıralarından ehtiyata buraxılmışdır. 2020-ci il sentyabrın 27-də Ali Baş Komandanımızın əmri ilə başlayan və 44 gün davam edən Vətən müharibəsi döyüşlərinə könüllü olaraq qatılır. Fizuli və Cəbrayıl rayonlarının azad olunması uğrunda gedən gedən döyüşlərdə iştirak edərək Müharibə veteranı, Vətən müharibəsi iştirakçısı adına layiq görülmüşdür. Ailəlidir, iki qız övladı var.
İlkin Ağayevi təbrik edir, ona sonsuz nailiyyətlər arzulayırıq.
AVMVİB Mətbuat xidməti
