Bu gün Mingəçevirdə 1918-ci il mart ayında erməni daşnak-bolşevik silahlı dəstələri tərəfindən azərbaycanlılara qarşı törədilmiş soyqırım qurbanlarının xatirəsinə həsr olunmuş anım tədbiri keçirilib. Tədbir çərçivəsində şəhərdə yerləşən «31 Mart Soyqırımı» xatirə abidəsi ziyarət edilib, faciə qurbanlarının əziz xatirəsi dərin hörmət və ehtiramla yad olunub.
Tədbirdə Azərbaycan Vətən Müharibəsi Veteranları İctimai Birliyi (AVMVİB) Mingəçevir şəhər şöbəsinin sədri və üzvləri, şəhər ictimaiyyətinin nümayəndələri, müharibə veteranları, qazilər, gənclər və şəhər sakinləri fəal iştirak ediblər. Onlar soyqırımı qurbanlarının xatirəsinə gül dəstələri düzərək, faciə qurbanlarının ruhuna dualar oxuyublar.
AVMVİB-in Mətbuat xidməti