2021-ci ilin yanvarında əhalinin sayı 3015 nəfər və ya 0,03 faiz artaraq fevral ayının 1-i vəziyyətinə 10 milyon 122 min 148 nəfərə çatıb.
Fedai.az rəsmi statistikaya istinadən xəbər verir ki, yanvarda 10 812 min körpə doğulub, 7972 nəfər dünyasını dəyişib və nəticədə təbii artım 2840 nəfər olub.
2020-ci ilin yanvarı ilə müqayisədə təbii artımda kəskin geriləmə qeydə alınıb. Bunun əsas səbəbi ölənlərin sayının kəskin artmasıdır. Ötən ilin yanvarında doğulanların sayı 11 279 nəfər, ölənlərin sayı 5177 nəfər, təbii artım 6102 nəfər olub.
Müqayisədə bu il ölənlərin sayı 54,1 faiz (2795 nəfər) artıb, doğulanların sayı 5,2 faiz (467 nəfər) azalıb, təbii artım 2,15 dəfə azalıb.
Böhran demoqrafik inkişafa da gəlib çatdı. Uşaq pulunun olmaması, miqrasiya, müharibə və koronovirus pandemiyası bu prosesi daha da sürətləndirəcəyi şəksizdir. İndidən tədbirlər planı hazırlanmalı və milli konsepsiya ortaya qoyulmalıdır.