Hərbçilər pensiya ilə bağlı narahatdılar…

Bu gün müharibə əlilləri pensiyalarının artmamasının səbəbini Maliyyə naziri Samir Şərifovda görürlər. Nazirin qələbədən dərhal sonra hərbçilərin əmək haqqlarının endirilməsi ilə bu addımını eyniləşdirən müharibə əlilləri məsələnin hökumət tərəfindən araşdırılması ilə bağlı müzakirələr aparırlar.

 Azərbaycan Vətən Müharibəsi Veteranları İctimai Birliyinə (AVMVİB) yüzlərlə müraciət var və ciddi narazılıq olduğunu bildiririk.

Bu barədə  Azərbaycan Vətən Müharibəsi Veteranları İctimai Birliyi (AVMVİB) sədrinin ictimaiyyətlə əlaqələr üzrə müavin İslam Səfərov bizimlə söhbətdə qeyd etdi. Maliyyə nazirliyinin məsələyə bu günədək bu məsələyə aydınlıq gətirməməsi ciddi narazılıqlar yaratmaqdadır.

İslam Səfərov bildirdi ki, Əmək və Əhalinin Sosial Müdafiəsi Nazirliyi (ƏƏSMN) hərbi qulluqçuların pensiya təminatı ilə bağlı yayılan iddialara münasibət bildirib. Amma adı çəkilən Maliyyə nazirliyinin rəsmiləri isə susurlar. Nədənsə son vaxtlar ayrı-ayrı nazirliklər, qurumlar qənaət deyincə hədəfə ilk olaraq hərbçilərimiz, Silahlı Qüvvvələrin veteranları və müharibə əlilləri gəlir. Amma heç israfçılıqla alınmış xidməti maşınlar və bu tip xidmətlər diqqətdən daim kənar qalır.

Xatırladaq ki, nazirliyin İctimaiyyətlə əlaqələr şöbəsinin müdiri Fazil Talıbov bildirib ki, hərbi qulluqçuların sosial müdafiəsinin gücləndirilməsi, eləcə də onların pensiya təminatının yaxşılaşdırılması bu gün ölkədə aparılan sosial siyasətin əsas istiqamətlərindən biridir.

Onun sözlərinə görə, ötən dövrdə də bu istiqamətdə mühüm addımlar atılıb, hərbi qulluqçuların pensiyalarında dəfələrlə artımlar edilib.

Nazirlik rəsmisi deyib ki, pensiya sahəsində aparılan islahatlar zamanı da ilk növbədə hərbi qulluqçuların fəaliyyətinin, göstərmiş olduqları xidmətlərinin xüsusi önəmi diqqətdə saxlanaraq, onların maraq və mənafeləri xüsusi nəzərə alınır: «Bununla belə, hərbi qulluqçuların pensiyalarının onların təminat xərcliyinin artımı əsasında artırılması qaydasının guya ləğv edilməsi üçün təklif hazırlandığı barədə sosial şəbəkə səhifələrindən birində qeyd edilən məlumat yanlışdır. Belə bir təklif mövcud deyil və düşünülmür də. Ümumiyyətlə pensiya təminatına dair qanunvericilikdə hərbi qulluqçuların pensiya gəlirlərlərinə mənfi təsir edə biləcək hər hansı bir dəyişiklik edilməyib. Əksinə 2019-cu ildəki sosial islahatlar çərçivəsində həmin şəxslərin pensiyalarında ciddi artım (orta hesabla 30%) tətbiq olundu».

F.Talıbov bildirib ki, hazırda da hərbi qulluqçuların pensiyası onların təminat xərcliyi əsasında təyin edilir və təminat xərcliyi artdıqda da yenidən hesablanaraq artırılır: «Dövlət başçısının 23 dekabr 2021-ci il tarixli Fərmanı ilə müvafiq qurumlarda hərbi və xüsusi rütbəli şəxslərin vəzifə maaşına 20% məbləğində əlavə edilib ki, bu əlavə həmin şəxslərin gələcəkdə pensiyası hesablanarkən nəzərə alınacaqdır. Lakin hərbi qulluqçuların təminat xərcliyi artığı halda onların pensiyalarında eyni artım baş verir, təminat xərcliyinə əlavə olunması isə qanunvericiliklə onların pensiyalarında artımı şərtləndirmir. İstərdik ki, bu tip həssas mövzularda məlumatlar paylaşanlar əvvəlcə bunu aidiyyəti qurumla dəqiqləşdirsin, əks halda belə qeyri-səhih məlumatlar insanlarda çaşqınlığa, yanlış ictimai rəyin formalaşmasına səbəb ola bilər».

İnanırıq ki, adı çəkilən nazirliyin nümayəndələri məsələyə aydınlıq gətirəcəkdir.

Elnur Səlim

Bu xəbəri paylaşın:
  • 574
  •  
  •  
  • 1
  •  
  •  
  •  
  •  
  •  
  •  
  •  
  •  
  •  
  •