RİA Novostinin verdiyi məlumata görə, Vladimir Zelenski təhlükəsizlik zəmanətləri haqqında müqavilə layihəsinin hazırlanması üzrə Rusiya Federasiyası ilə danışıqlar aparmaq üçün Ukrayna nümayəndə heyətinin formalaşdırılması haqqında fərman imzalayıb, müvafiq sənəd prezidentin saytında dərc edilib.
“Ukraynanın təhlükəsizliyinin təminatları haqqında müqavilə layihəsinin hazırlanması və təsdiqi ilə bağlı Rusiya Federasiyası ilə danışıqlarda iştirak etmək üçün Ukrayna nümayəndə heyəti yaradılsın”, — fərmanın mətnində deyilir.
Sənəddə nümayəndə heyətinin tərkibi sadalanıb, bu tərkibə 10 nəfər daxildir, rəhbəri deputat David Araxamiyadır. Nümayəndə heyətinin tərkibinə Ukraynanın ədliyyə naziri Denis Malyuska, Zelenskinin ofisinin rəhbərinin müşaviri Mixailo Podolyak, müdafiə naziri Aleksey Reznikov və xarici işlər nazirinin müavini Nikolay Toçitski də daxildir.