Peşəkarlığı və humanistliyi, nəzəri və praktiki biliyi, işgüzarlığı və mənəvi keyfiyyəti, dəqiqliyi və təmkinliyi, sadəliyi və səmimiyyəti, insanpərvərliyi və təvəzökarlığı ilə seçilən Allahın verdiyi şərəfli və mənalı ömürünün 16 ildən çox şərəfli xidmət yolunun 1 (bır) ilini Ədiliyyə Nazirliyinin Penitensiar Xidmətinin Şüvalan cəzaçəkmə müəssisəsində, 15 (on beş) ilini isə Sovet Ordusunda və Azərbaycan Respublikası Daxili İşlər Nazirliyinin Daxili Qoşunlarında hərbi xidmətdə keçirmiş Müharibə Veteranı ehtiyatda olan tibb xidməti kapitanı Mustafayev Elxan Həbib oğlunun aprel ayının 12 — də 52 — yaşı tamam olur.
Daimi həyatın imtahanlarından alnıaçıq və üzüağ çıxan ehtiyatda olan tibb xidməti kapitanı Mustafayev Elxan Həbib oğlunu, belə ələmatdar gün münasibətilə onu Azərbaycan Vətən Müharibəsi Veteranları İctimai Birliyinin (AVMVİB) rəhbərliyi və Azərbaycan Vətən Müharibəsi Veteranları İctimai Birliyi (AVMVİB) sədrinin müavini polkovnik Salman Musayev səmimi qəlbdən təbrik edir, ona həyatda insan üçün ən şirin neymət olan möhkəm can sağlığı və həyat yollarında bitib — tükənməyən nailiyyətlər arzulayır.
Arzu edirik ki, Elxan həkimin yaşının üstə gələn bu yaş ona sevinc dolu günlər bəxş etsin və hər yeni günü isə ötən günlərdən daha gözəl istəklərinə uyğun onu xoşbəxt edəcək şəkildə keçsin.Amin!
Tibbi xidmət kapitanı Mustafayev Elxan Həbib oğlu 1970 -ci ilin aprel ayının 12 -də Zəngilan rayonunun Şayfılı kəndində anadan olub.
1987 -ci ildə Zəngilan rayonunun Şayıflı kənd tam orta məktəbini, 1993- cü ildə Azərbaycan Tibb Universitetini, 1994 -cü ildə Həkimlərin təkmilləşmə İnstitutunu bitrib. Daxili Qoşunlarda xidmət etdiyi illər ərzində Daxil Qoşunlarda və hərbi hissələrində keçirilən bir çox metodiki — təlim- toplanışlarda, təlimlərdə, seminar və konfranslarda fəal iştirak edib.
1988- 1989- cu ildə Sovet Ordusunun Belarusiya Respublikasnın Slutski şəhərində və Rusiyanın Volakovo şəhərində yerləşən hərbi hissələrində müddətli həqiqi hərbi xidmətdə olub.
1994- 1995- ci illərdə Azərbaycan Respublikası Ədliyyə Nazirliyinin Penitensiar Xidmətinin Şüvalan cəzaçəkmə müəssisəsində , 1995- 2010 -cu illərdə isə Azərbaycan Respublikası Daxili İşlər Nazirliyinin Daxili Qoşunlarının Baş İdarəsinin Sumqayıt şəhərində, Hacıqabul və Binəqədi rayonlarında yerləşən hərbi hissələrinin tibb xidmətində stomatoloji kabinetin rəisi vəzifələrində Vətənə Dövlətə və Xalqa xidmət edib.
«Hərbi Xidmətkeçmə Haqqında » əsasnamənin 156-cı madəsinin v) bəndinə əsasən Xəstəliyə görə tibb xidməti mayoru Elxan Mustafayev 2010 -cu ildə Daxili İşlər Nazirliyinin Daxili Qoşunlarından ehtiyata buraxılıb.
Azərbaycanın ərazi bütövlüyü uğrunda ( Zəngilan rayonu istiqamətində) gedən döyüşlərdə fəal iştirak edib.
Daxili Qoşunlarda xidmət etdiyi illər ərzində , özünü , səxavətli, insanpərvər, əliaçıq, zəhmətkeş zabit kimi göstərmişdir. O, istər anadan olduğu və yaşadığı ərazidə, istərsə də oxuduğu orta və ali təhsil müəssisələrində, xidmət etdiyi və işlədiyi kollektivlərdə, dost — tanış arasında özünə layiq hörmət qazanmışdır.
Azərbaycan Respublikasında ictimai qaydanın və ictimai təhlükəsizliyin qorunmasnda, şəhərdə və yaşayış məntəqələrində baş vermiş kütləvi ixtişaşların qarşısının alınmasında, Mütəşəkkil cinayətkarlığa qarşı mübarizə də, qanunsuz silahlı dəstələrin axtarışında və zərərsizləşdirilməsində, fövqalədə vəziyət zamanı hüquqi rejimin təmin edilməsində, baş vermiş təbii fəlakətlərin nəticələrinin aradan qaldırılmasında, dövlətin ərazi bütövlüyünün təmin edilməsində üzərinə düşən vəzifə və tapşırıqları məsuliyyət və şərəf hissi ilə yerınə yetirmişdir.
Elxan həkim, Daxili Qoşunlarda xidmət etdiyi illər ərzində Azərbaycan Respublikasının Konstitusiyasına və qanunlarına ciddi riayət etmiş, Hərbi Andın və hərbi nizamnamələrin tələblərini dəqiq yerinə yetirmiş, komandirlərin (rəislərin) əmr və sərancamlarına sözsüz tabe olmuş, Hippokrat andına isə həmişə sadiq qalmışdır.
Hərbi xidməti vəzifələrinin icrası zamanı yüksək mənəvi döyüş keyfiyyətləri göstərdiyinə görə döyüş və ictimai siyasi hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi xidmətinə görə Daxili İşlər Nazirinin, Daxili Qoşunlar Komandanın və onun müavinlərinin, hərbi hissə komandirinin müvafiq əmrləri ilə əla xidmətlərə görə döş və yubiley nişanları ilə, pul mükafatları ilə, fəxri fərmanlarla və qiymətli hədiyyələrlə mükafatlandırlıb və ona təşəkkür elan edilib.
Hərbi vəzifə borcunu yerinə yetirərkən göstərdiyi rəşadətə, əla döyüş hazırlığı göstəricilərinə, Azərbaycan dövləti və Azərbaycan Respublikasının Daxili İşlər Nazirliyinin Daxili Qoşunları qarşısındakı xidmətlərinə görə Azərbaycan Respublikasının Prezidenti adından Daxili işlər Nazirinin müvaiq əmrləri ilə » Qüsursuz Xidmətə Görə » 2 -ci və 3-cü dərəcəli, Silahlı Qüvvələrin yaranmasının isə 10 -illiyi və 90 -iliyi yubileyi medalları ilə təltif olunub.
DOĞUM GÜNÜN MÜBARƏK OLSUN, ELXAN HƏKİM!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
BÜTÜN ARZULARIN ÇİN OLSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
Dərin hörmətlə: Azərbaycan Vətən Müharibəsi Veteranlari İctimai Birliyi sədrinin müavini polkovnik Salman Musayev
