«Ukrayna, Moldova və Gürcüstanın gələcəyi Avropa İttifaqı daxilindədir”- Şarl Mişel

“İndi etiraf etmək vaxtıdır ki, Ukrayna, Moldova və Gürcüstanın gələcəyi Avropa İttifaqı daxilindədir”.

Bunu Avropa İttifaqı Şurasının Prezidenti Şarl Mişel tviter hesabında yaydığı videomüraciətində deyib.

Onun sözlərinə görə, bir neçə gündən sonra Aİ-nin 27 lideri Brüsseldə görüşəcək: “Bu, mühüm görüş olacaq. Biz həlledici qərar qəbul etməli olacağıq. İnanıram ki, Ukrayna, Moldova və Gürcüstanın Avropa perspektivinin tanınmasının zamanıdır. Bu üç ölkənin və xalqın gələcəyi Aİ-nin daxilindədir”.

Bildirək ki, iyunun 23-24-də Brüsseldə Aİ-nin sammiti keçiriləcək. Toplantıda Ukrayna, Moldova və Gürcüstana Aİ-yə üzvlüyə namizəd statusu verilməsi ilə bağlı yekun qərar qəbul olunacaq. Avropa Komissiyasının iyunun 17-də açıqlanan rəyinə əsasən, Ukrayna və Moldovaya bu statusun verilməsi tövsiyə edilib, Gürcüstana isə məsələ ilə bağlı mənfi rəy verilib.

Bu xəbəri paylaşın: