Bir çox XX əsr amerikan yazıçıları qələmlərinə sığınıb yazıçı məşhurluğu qazanana qədər reklam işi ilə məşğul olub. Şervud Anderson da həmçinin.
Yazıçılığın şərbətini 41 yaşında dadan yazıçı həmin vaxta qədər müxtəlif işlərə baş vurub. Onun kopirayter işlədiyi günlərin birində müdirinə yazdığı məktub isə hələ də tarixin ən gözəl istefa məktubu olaraq dəyərləndirilir. Məktub “Məşhurların məzəli məktubları” kitabında da yer alıb.
Şervud Andersona məxsus tarixin ən gözəl istefa məktubu:
“Əziz Barton,
Rəhbərliyiniz altında çalışan və uzun müddətdir ki, işdən qovulması zəruri olan bir şəxs var. Şervud Andersonu nəzərdə tuturam. Düzdür, istedadlı və bacarıqlı adamdır. Amma aydın görünür ki, uzun müddətdir ürəyi bu işdə deyil.
Şübhəsiz, bu gün Anderson şirkətdə bir əntiq əşya kimi qalmaqdadır. Dağınıq və uzun saçları onun simasına aktyorluq və vecsizlik havası qatır ki, bu da Frank Llyoldan, Kalamazzodan başlamış cənab Kurtinezə qədər hər kəsi təsirləndirir.
