Beyləqan rayonunun Kəbirli kəndində dünyaya gələn Şəhid Abbasov Şamxal Xasay oğlunun Anım Günü keçirildi.
Azərbaycan Vətən Müharibəsi Veteranları İctimai Birliyinin (AVMVİB) Xocavənd rayon şöbəsinin sədri, AVMVİB sədrinin səlahiyyətli nümayəndəsi Akif Həsənov, Beyləqan rayon İcra Başçısı Əziz Əzizov, yerli icra aparatının digər nümayəndələri, kənd ağsaqqalları və ictimai fəalları, həmçinin şəhidin yaxınları iştirak etmişdir.
Əvvəlcə şəhidin məzarı ziyarət edilərək önünə əklil qoyulmuş, ruhuna dualar oxunmuşdur. Mərasimdə çıxış edən AVMVİB Xocavənd rayon şöbəsinin sədri Azərbaycan Vətən Müharibəsi Veteranları İctimai Birliyinin sədri Füzuli Rzaquliyevin və təşkilatın adından şəhidin ailəsinə başsağlığı vermiş, Azərbaycanın igid Vətən oğullarının döyüş şücaətindən bəhs edərək onların qəhərmanlıq tarixi yazddıqlarını diqqətə çatdırmışdır.
Mərasimdən sonra ehsan süfrəsi açılmışdır.
AVMVİB Mətnuat xidməti
Elçin Qədirov
