Bu gün Azərbaycan Vətən Müharibəsi Veteranları İctimai Birliyinin Zəngilan rayon şöbəsinin Sədri Azad Musayev, müavinlər Zakif Abbasov, Qorxmaz Nəsirov Qobu Park yaşayış kompleksində yerləşən Zəngilan rayon 20 nömrəli məktəbdə keçirilən, 9 Noyabr Azərbaycan Respublikasının Dövlət Bayrağı Günü münasibətilə təşkil olunmuş tədbirdə iştirak etdi. Tədbirdə ilk öncə Azərbaycan Respublikasının ərazi bütövlüyü uğrunda gedən döyüşlərdə şəhid olan Şəhidlərimizin ruhu 1 dəqiqəlik sükutla yad edildi, sonra Azərbaycan Respublikasının Dövlət Himni səsləndirildi. Tədbir iştirakçıları Məktəb şagirdlərinin hazırladıqları səhnəcikləri, söylədikləri şerləri maraqla izləyib, alqışladılar. Sonra söz qonaqlara verildi.
AVMVİB Zəngilan rayon şöbəsinin idarə heyəti çıxış edərək hazırlanan gözəl tədbirə və dəvətə görə məktəb rəhbərliyinə və bütün kollektivə təşəkkürlərini bildirərək hər zaman şagirdlərin belə vətənpərvər ruhda tərbiyələndirmələrini dilədilər. Sonra tədbirdə iştirak edən qonaqlar məktəb kollektivi tərəfdən hazırlanmış Fəxri fərmanla təltif olundular.
AVMVİB Mətbuat xidməti
AVMVİB Zəngilan rayon şöbəsinin sədri Azad Musayev
