İtaliyanın cənub bölgələrində, xüsusilə Siciliya adasında meşə yanğınları güclənib.
Bu barədə İtaliyanın Yanğınsöndürmə Departamenti məlumat yayıb.
Məlumatda Siciliyada 250, Puglia və Kalabriyada 130, Latsioda 90, Kampaniya bölgəsində isə 70-dən çox yanğın ocağının olduğu qeyd olunub. Yanğınların güclü küləyin təsiri ilə daha da geniş vüsət aldığı bildirilib.
Yunanıstanda da baş verən meşə yanğınları nəticəsində 5 nəfər yaralanıb, 10 ev isə yanaraq külə dönüb.
Verilən məlumata əsasən, yanğını söndürmək üçün təxminən 145 yanğınsöndürən, 50 yük maşını, 8 amfibiya təyyarəsi və helikopter səfərbər edilib.
Bölgənin 4 kəndində, habelə sahildəki Loqqos turizm kurortunda evakuasiya işlərinə başlanılıb.
Bu xəbəri paylaşın: