AVMVİB rəhbərliyi, Fədai. az kolektivi və Azərbaycan Vətən Müharibəsi Veteranları İctimai Birliyinin sədr müavini, polkovnik Salman Musayev tibbi xidməti polkovnik-leytenantı Faiq Lazımovu doğum günü munasbətilə səmimi qəlbdən təbrik edir, həyatda insan ücün ən şirin nemət olan möhkəm cansağlığı və həyat yollarında bitib — tükənməyən nailiyyətlər arzulayır.
Qoy yaşının üstə gələn bu yaş ona sevinc dolu günlər bəxş etsin, hər yeni günü isə ötən günlərdən daha gözəl istəklərinə uyğun xoşbəxt edəcək şəkildə keçsin. AMİN!
Ehtiyatda olan tibb xidməti polkovniki -leytenantı Faiq Lazımov 01 avqust 1956- cı ildə Şamaxı rayonun Nərmankənd kəndində anadan olub. O, 1973- cü ildə orta məktəbi təhsilini başa vurduqdan sonra kolxoz təsərrüfatında işləyib.
O,1975- ci ildə Azərbaycan Tibb İnstituna qəbul olur. 1985-ci ildə ali təhsilini başa vuraraq «Xalqlar dostluğu» adına Rostov-Don Dövlət İnsititunda ali sınaq müddəti keçir.
1986-cı ildə isə Taqonroq şəhərində təcili tibbi yardım xəstəxanasında cərrah həkim vəzifəsində işləyir. Qəlbi Vətən həsrəti ilə döyünən həkim 1987-ci ildə doğma yurda qayıdaraq, Ələt dəmiryol xəstəxanasında cərrahiyyə şöbəsinin rəisi vəzifəsində çalışır.
Faiq Lazımov torpaqlarımızın erməni təcavüzünə məruz qaldığı vaxtlarda, bu ağrılara kənarından baxmamış, hərbi həkim kimi Vətən qarşısında xidməti borcundan çıxmaq arzusunu həyata keçirtmək üçün 1993-cü ilin mart ayında Ələt dəmiryol xəstəxanasından könüllü olaraq işdən azad olunaraq Daxili İşlər Nazirliyinin Daxili Qoşunların Baş İdarəsinin Qaradağ rayonunda yeni yaradılan hərbi hospitalında 3 (üçüncü) cərrahiyyə şöbəsinin ilk rəisi vəzifəsinə təyin edilir.
02 sentyabr 1995-ci ildən 2001-ci ilədək Daxili İşlər Nazirliyinin Daxili Qoşunlarının Baş İdarəsinin hərbi hospitalı rəisinin (hərbi hissə komandirinin) müalicə işlər üzrə müavini vəzifəsində, 2002-ci ildə isə Ədliyə Nazirliyinin Tibb Xidmətində xidmət edib.
O, məsuliyyətli illər ərzində Daxili Qoşunların cəbhə (döyüş) bölgəsində təmsil edən şəxsi heyətin sağlamlığı ilə əlaqədar səhra lazaretində olmuş, yaralılara ilkin tibbi yardım və amputasiya işlərini bilavasitə yerinə yetirmişdir. Burada çalışan həkim kollektivinə dəyərli tövsiyələr verərək, yüksək peşəkarlıq təcrübəsini əsirgəməmişdir.
Faiq həkim ön mövqeydə olarkən ən mürəkkəb ilkin cərrahiyyə əməlyyatı onun rəhbərliyi ilə uğurla nəticələnmiş, heç vaxt ölüm halına yol verməmişdir. O, müharibənin özünə məxsus qanunlarını dərindən dərk edərək, cətin anlarda özünü itirməmiş, fəaliyyətini bu dövrün tələblərinə uyğun təşkil etmişdir. Hospitalda fəaliyyəti dövründə ölmüş hesab edilən dörd nəfərdən çox yaralının koma vəziyyətindən çıxarması, sağalıb sıralarımıza qaytarılması kimi mürəkkəb əməliyyatı bilavasitə onun rəhbərliyi ilə həyata keçirib.
Ehtiyatda olan tibbi xidməti polkovnik-leytenantı Faiq Lazımovun əvəzsiz xidmətləri nəzərə alınaraq Daxili İşlər Nazirliyinin Tibb İdarəsi tərəfindən ona ali dərəcəli həkim adı verilib.
O, cərrahiyyə sahəsində ondan artıq elmi referatın və 20-dən çox məqalələrin müəllifidir.
Müharibə vetiranı F. Lazımov Vətənə, Dövlətə, xalqa sədaqətlə xidmət etmişdir. O, Daxili Qoşunların hərbi hospitalında xidmət edərkən öz səmərəli fəaliyyəti ilə, nəzəri və praktiki biliyi ilə,mənəvi və işgüzar keyfiyyətilə Daxili İşlər nazirliyinin rəhbərliyinin Daxili Qoşunların Komandanlığının və Daxili İşlər nazirliyinin tibb idarəsini daimi diqqət mərkəzində olmuşdur.
Faiq Lazımov Daxili İşlər nazirliyinin Daxili Qoşunlarının Baş İdarəsinin hərbi hospitalında hərbi hissə komandirinin müalicə işlər üzrə müavini vəzifəsində xidmət etdiyi müddətdə şəxsən Azərbaycan Respublikasının Konstitusiyasına və qanunlarına,hərbi andın,hərbi nizamnamələrin tələblərinə və vəzifə borcuna əməl etməkdə, verilən tapşırıq və sərəncamları dəqiq və vaxtında yerinə yetirməkdə bir çox hərbi qulluqçular və hospitalının mülki işçilər üçün nümunə olmuşdur.
Ehtiyatda olan tibb xidməti polkovnik-leytenantı Faiq Lazımov peşəkarlığı və humanistliyi ilə seçilən ən məhsuldar dövrünün 45 (qırx beş) ildən çox şərəfli xidmət yolunu tibb xidməti sahəsində davam edir.
O, Daxili Qoşunlarda xidmət etdiyi müddətdə xidmətdə fərqləndiyinə görə Daxili İşlər nazirinin, Daxili Qoşunlar Komandanın və xidmət etdiyi hərbi hissə komandirinin müvafiq əmrləri ilə bir necə medalarla, döş nişanları ilə, qiymətli hədiyələrlə mükafatlandırılıb.
BÜTÜN GÖZƏL NƏ VARSA SƏNİN OLSUN FAİQ HƏKİM!
100 (YÜZ) YAŞA, SAGLAM YAŞA.
Dərin hörmətlə, Azərbaycan Vətən Müharibəsi Veteranları İctimai Birliyinin sədr müavini, polkovnik Salman Musayev
