İnsan üçün ən yadda qalan günlərdən başlıcası onun həyata gəldiyi gündür. Ömürə bəzək olan ad günü hər il xüsusi ilə qeyd olunur. Belə bir insanlardan biri də yüksək peşəkarlığı və humanistliyi,nəzəri və praktiki biliyi, işgüzarlığı və mənəvi keyfiyyəti, dəqiqliyi və təmkinliyi, sadəliyi və səmimiyyəti , təvazökarlığı və vətənpərvərliyi ilə seçilən ömrünün ən məhsuldar dövrünü Daxili İşlər Nazirliyinin Daxili Qoşunlarında keçirmiş ehtiyatda olan tibb xidməti mayoru Surxayev Səməd Cuma oğludur. Fevral ayının 8 -də onun 50 yaşı tamam olur.
Daima həyatın imtahanlarından alnıacıq və üzüağ çıxan ehtiyatda olan tibb xidməti mayoru Surxayev Səməd Cuma oğlunu belə bir əlamətdar gün münasibətilə Azərbaycan Vətən Müharibəsi Veteranları İctimai Birliyinin rəhbərliyi və AVMVİB-nin sədr müavini polkovnik Salman Musayev səmimi qəlbdən təbrik edir, həyatda insan üçün ən şirin nemət olan möhkəm can sağlığı, ailə səadəti və həyat yollarında bitib — tükənməyən nailiyyətlər arzulayır.
Arzu edirik ki, Səməd Həkimin yaşının üstə gələn bu yaş ona sevinc dolu günlər bəxş etsin və hər yeni günü isə ötən günlərdən daha gözəl istəklərinə uyğun onu xoşbəxt edəcək şəkildə keçsin. Amin !
Tibb xidməti mayoru Surxayev Səməd Cuma oğlu 08 yanvar 1972-ci ildə Azərbaycan Respublikasının Şəki rayonunun Baş Göynük kəndində anadan olub.
Səməd Cuma oğlu Surxayev Şəki rayonunun Baş Göynük tam orta məktəbini, Azərbaycan Dövlət Tibb Ünverstetini bitrib. O,Daxili Qoşunlarda xidmət etdiyi illər ərzində Həkimlərin təkmilləşmə İnstitutunda müvafiq kurslarda olub, Daxili Qoşunların Bas İdarəsində və hərbi hissələrində keçirilən bir çox metodiki- təlim toplanışlarında , təlimlərdə, seminar və konfranslarda fəal iştirak edib.
Müstəqil Azərbaycanın Daxili İşlər Nazirliyinin Daxili Qoşunların Füzuli, və Zaqatala rayonlarında yerləşən hərbi hissələrində tibb məntəqə rəisi və tibb xidmət rəisi vəzifələrində xidmət ediyi illər ərzində tibb xidməti mayoru Surxayev Səməd Cuma oğlu Azərbaycan Respublikasının Konstitusiyasına və qanunlarına əməl etməkdə, hərbi andın və hərbi nizamnamələrin tələblərinin yerinə yetirilməsində üzərinə düşən vəzifə və tapşırıqların şərəflə yerinə yetirilməsində tabeçiliyində olanlar üçün şəxsi nümunə olmuş, Hippokrat andına isə həmişə sadiq qalmışdır.
O, Daxili Qoşunlarda xidmət etdiyi illər ərzində özünü qorxmaz, səxavətli, insanpərvər, əliaçıq, zəhmətkeş zabit kimi göstərmişdir. O, istər anadan olduğu və yaşadığı ərazidə, oxuduğu orta və ali təhsil müəsələrində, istərsə də xidmət etdiyi və işlədiyi kollektivlərdə, dost-tanış ,qohum-əqrəba arasında özünə layiq hörmət qazanmışdır.
Səməd həkim Daxili Qoşunların hərbi hisələrində və hərbi hospitalinda müxtəlif vəzifələrdə xidmət etdiyi illər ərzində saysız — hesabsız yaralara ilkin tibbi yardım göstərilməsində, ambulator və stasionar müalicəyə ehtiyacı olan hərbi qulluqçuların və mülki işçilərinin müalicə olunub sıraya dönməsində tibb xidməti mayoru Surxayev Səməd Cuma oğlunun xalqmız qarşısında layiqli xidmətləri olmuşdur.
İnsan sağlamlığını,insan həyatını bütün dəyərlərindən üstün tutaraq,bu müqəddəs amal uğrunda o, hələ tələbə ikən peşəsinin pərvanəsinə dönmüşdür. Xəstələrin və yaralıların müalicə olunmasında yüksək keyfiyyət nəticəsinə yiyələnə bilmişdir.
Azərbaycan Respublikasında ictimai qaydanın və ictimai təhlükəsizliyin qorunmasnda, şəhərdə və yaşayış məntəqələrində, cəzaçəkmə müəssisələrində baş vermiş ixtşaşların qarşısının alınmasında, Mütəşəkkil cinayətkarlığa qarşı mübarizə də, qanunsuz silahlı dəstələrin axtarışında və zərərsizləşdirilməsində,fövqaladə vəziyyət zamanı hüquqi rejimin təmin olunmasında ,baş vermiş təbii fəlakətlərin nəticələrinin aradan qaldırılmasında, dövlətin ərazi bütövlüyünün təmin olunmasında üzərinə düşən vəzifə və tapşırıqları məsuliyyət və şərəf hissi ilə yerınə yetirmişdir.
Hərbı xidməti vəzifələrinin icrası zamanı yüksək mənəvi döyüş keyfiyyətləri göstərdiyinə görə, döyüş və ictimai siyası hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi xidmətinə görə Daxili İşlər Nazirinin, Daxili Qoşunlar Komandanın və onun müavinlərinin, hərbi hissə komandirinin müvafiq əmrləri ilə «Əla Ximələrə Görə » döş,yubiley və müvafiq idman dərəcələri ilə təltif olunub,pul mükafatları ilə, fəxri fərmanlarla, qiymətli hədiyyələrlə mükafatlandırlıb və ona təşəkkür elan edilib.
Tibb Xidməti mayoru Surxayev Səməd Cuma oğlu Daxili Qoşunlardan Silahlı Qüvvələrə ehtiyata buraxılandan sonra Zaqatala rayon mərkəzi xəstəxanasında həkim vəzifəsində işləyir.
DOĞUM GÜNÜN MÜBARƏK OLSUN, SƏMƏD HƏKİM!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
BÜTÜN ARZULARIN ÇİN OLSUN!
DAİMA XOŞBƏXT YAŞA, ÖMRÜN UZUN OLSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
Dərin hörmətlə, Azərbaycan Vətən Müharibəsi Veteranları İctimai Birliyinin sədr müavini polkovnik Salman Musayev
