Mariupol merinin müşaviri Petr Andryuşenko bildirib ki, şəhərdə ümumi vəziyyət fəlakətlidir, onun sözlərinə görə, Rusiyanın işğal qurbanlarının sayı 20 minə yaxınlaşır.
Andryuşenko bunu «Cari vaxt» («Настоящее время») efirində deyib.
O, deyib: “Bizim ölən mülki şəxslərlə bağlı həqiqətə uyğun olmayan məlumatlar var, çünki onlar polisdən qəbul edilir, tibb müəssisələri ilə razılaşdırılır. Bu, bizim bildiyimiz az sayda insan deməkdir. Dünən bu rəqəm, 1800 insanı ifadə edirdi.
Dörd gün əvvəl biz «nikbin» senaridən danışırdıq — indi təxminən 10 min qurbanımız var. Amma artan intensivliklə və dəfələrlə artan qəddarlıqla bağlı onu deyə bilərik ki, blokada indi bitsə və heç olmasa bu insanların axtarışına başlaya bilsək, indiyə qədər qurbanların sayı 20 minə yaxın olacaq.
Ancaq yaxın günlərdə bu baş verməsə, bu rəqəm 350 minə yaxınlaşacaq — getməyə vaxtı olmayanların hamısı həlak olacaq.
Kimisə harada gəldi- həyətlərdə, küçələrdə basdırırlar. Atışmaların intensivliyi səbəbindən insanlar hətta yaxınlarını dəfn etmək üçün çölə çıxa bilmirlər. Bələdiyyə xidmətləri işləmir, qəbiristanlıq Rusiya ordusunun nəzarətində olan ərazidədir. Ölüm hər yerdədir, onu görürsən”.
Onun sözlərinə görə, əvvəllər razılaşdırılmış marşrut üzrə şəxsi avtomobilləri ilə şəhərdən çıxan insanlar Rusiya ordusundan heç bir zəmanət olmadığı üçün öz həyatlarını təhlükə və risklərə ataraq yola düşürlər.
Mənbə: Ukrainskaya pravda