Prezident Vladimir Zelenski bildirib ki, Ukraynanın Rusiya ilə müharibədə uğur qazanması və ərazilərinin işğaldan azad edilməsində gələcək uğurları tərəfdaş dövlətlərin Ukraynaya verəcəyi silahlardan, siyasi dəstəkdən və Qərb ölkələrinin ardıcıl sanksiya siyasətindən asılıdır.
Zelenski Financial Times-a müsahibəsində belə deyib.
O, deyib: «İrəliləmək, ərazilərimizin işğaldan azad edilməsi güclü silahlardan, Qərbin siyasi dəstəyindən və başa düşülən güclü sanksiya siyasətindən asılıdır. Bu iş, təkcə xalqımızın, hökumətimizin və Ukrayna Silahlı Qüvvələrinin birləşməsindən asılı deyil…
İstəyimiz daha böyükdür (qalib gəlmək — red.), amma texnikamız azdır. Ona görə də biz irəli gedə bilmərik. Bu, çox mühüm mövqedir, çıxılmaz vəziyyətdən çıxış yoludur”.
Zelenski qeyd edib ki, son vaxtlar Ukrayna yaşayış məntəqələrinin işğaldan azad edilməsində ləngimə müşahidə olunur və bəzən Rusiya qoşunlarının hücum təhlükəsi yaranır.
Onun sözlərinə görə, döyüş meydanında qələbə qazanmaq üçün Ukraynaya düşmən qüvvələrindən geri qalmamayan güclü hərbi texnika lazımdır.
Həmçinin, onun sözlərinə görə, Ukraynanın suverenliyinə dəstək böyük əhəmiyyət kəsb edir.
Ukrayna Prezidenti Volodimir Zelenski, həm də Fransa lideri Emmanuel Makronun “Rusiyanı aşağılamamaq” və hərbi əməliyyatlar bitdikdən sonra “diplomatiya yolu ilə çıxış yolu axtarmaq” təklifinə sərt reaksiya verib.
«Rusiyanın alçaldılmasının nə olduğunu tam başa düşə bilmirəm. Uzun illərdən danışırıq? Bütün bu illər, səkkiz ildən artıqdır ki, xalqımızı öldürürlər? Biz nədən danışırıq?»
Dövlət başçısı qeyd edib ki, Makron “Normandiya dördlüyü”nün liderlərindən biri kimi Ukrayna ilə Rusiya arasında danışıqlar prosesinə yaxşı bələddir:
«O, Minsk sənədinin təfərrüatlarını yaxşı bilir. O, «Normandiya ördlüyü»ü çərçivəsində Rusiya tərəfi ilə olan bütün razılaşmaları — bu razılaşmaların yerinə yetirilməməsini, bu razılaşmaların daim pozulduğunu, atəşkəsin daim pozulmasını, əsirlərin mübadiləsinin pozulmasını mükəmməl başa düşür. Hansı alçaldılmadan danışırıq?»
«Bizi heç kim alçaltmır, öldürürlər. Ona görə də biz də cavab olaraq heç kimi alçaltmaq fikrində deyilik, eyni alətlə cavab verəcəyik», — prezident xəbərdarlıq edib.