İnsan üçün ən yadda qalan tarixlərdən biri onun doğum günüdür. Yaşın üstə yaş gələndə daha da kamilləşirsən. Belə insanlardan biri də yüksək peşəkarlığı və humanistliyi, nəzəri və praktiki biliyi, sadəliyi və vətənpərvərliyi ilə seçilən «Azərbaycan Vətən Müharibəsi Veteranları» İctimai Birliyinin Səbayil Rayon şöbəsinin üzvu istefada olan Mayor Nuriyev Nuru Həmzə oğludur. İyun ayında onun 70 yaşı tamam oldu.
Daimi həyatın imtahanlarından alnıaçıq və üzüağ çıxan Müharibə Veteranı istefada olan Mayor Nuriyev Nuru Həmzə oğlunun 70 yaşının tamam olması münasibətilə onu «Azərbaycan Vətən Müharibəsi Veteranları» İctimai Birliyinin (AVMVİB) rəhbərliyi və» Azərbaycan Vətən Müharibəsi Veteranları » İctimai Birliyi (AVMVİB) sədrinin müavini polkovnik Salman Musayev səmimi qəlbdən təbrik edir, ona həyatda insan üçün ən şirin nemət olan möhkəm can sağlığı və həyat yollarında bitib — tükənməyən naliyyətlər arzulayır. Yaşının üstə gələn bu yaş ona sevinc dolu illər bəxş etsin,hər yeni günü isə onu istəklərinə qovuşduraraq daha da xoşbəxt etsin.
Mayor Nuriyev Nuru Həmzə oğlu 1952 -ci ilin iyun ayında Azərbaycan Respublikasının Salyan rayonun Qarabağlı kəndində anadan olub.
1967 -ci ildə Salyan rayonun Qarabağlı kənd orta məktəbin səkkizinci sinfini , 1969 -ci ildə Salyan rayonun Kərimbəyli kənd orta məktəbin 10 -cu sinfini, 1976 — ci ildə isə SSRİ Daxili İşlər Nazirliyinin Leninqrad (indiki Sankt -Peterburq) şəhərində Xüsusi milis məktəbini və 1988 — 1993-cü illərdə Bakı Dövlət Universitetinin Tarix fakültəsini bitirib.
1970 — 1972 ci İllərdə Sovet Ordusunun Belarusiya Respublikasnda yerləşən hərbi hissəsində müddətli həqiqi hərbi xidmətdə ( mühəndis — istehkam manqa komandiri vəzifəsində ) olub.
Nuru Həmzə oğlu Nuriyev 1972 — 1979 — cu illərdə, Vitebsk şəhərində, Komi Respublikasında, Arxangelski Vilayətində yerləşən SSRİ Daxili İşlər Nazirliyinin Daxili işlər Orqanlarında müvafiq vəzifələrdə işləyib.
O, 1979 — 1991 — ci illərdə Daxili İşlər Nazirliyinin Bakı şəhərində yerləşən İslah- Əmək (Cəzaçəkmə) müəssisələrində dəstə rəisi və baş əməliyyatcı vəzifələrində olub.
1992 — 1994- ci ilərdə Azərbaycan Respublikasının Daxili Qoşunların Baş İdarəsinin Əli-Bayramlı ( İndiki Şirvan) şəhərində və Hacıqabul rayonunda yerləşən hərbi hissələrində Alay komandirinin maddi -texniki təminat xidmətləri üzrə müavini vəzifəsində Vətənə, Dövlətə və Xalqa sədaqətlə xidmət edib
Mayor Nuriyev Nuru Həmzə oğlu 24- ildən çox şərəfli mənalı xidmət yolunu hərbi xidmətdə və Daxili işlər Orqanlarının müvafiq strukturlarında keçirərək ona həvalə edilmiş vəzifə və tapşırıqları şərəf və məsuliyyət hissi yerinə yetirib.
O, Daxil Qoşunlarda xidmət etdiyi illər ərzində öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi Andın, Hərbi və Daxili Qoşunların döyüş xidməti nizamnamələrinin tələblərinin, əmr və sərancamların dəqiq və sözsüz yerinə yetirilməsi işində daimi nümunə olmuşdur.
Azərbaycanın ərazi bütövlüyü uğrunda Füzuli və Ağdam rayonları istiqamətində gedən döyüşlərdə iştirak edib. Müharibə veteranıdır.
Hərbi yoldaşları onu vətənpərvər, qorxmaz, səxavətli, insanpərvər, əliaçıq və zəhmətkeş zabit kimi dəyərləndirirlər. O, istər təhsil aldıgı orta və ali təhsil müəssisələrində, istər xidmət etdiyi və çalışdığı mühitdə, istərsə də dost — tanış , qohum — əqraba arasında özünə böyük hörmət qazanıb.
Azərbaycan Respublikasının müstəqilliyinin, ərazi bütövlüyünün qorunub saxlanılmasında, respublikada əmin amanlığın təmin edilməsində, ictimai əsayişin qorunmasında, cinayətkarlığa qarşı mübarizə də, eləcə də də SSRİ və Azərbaycan Respublikasının Daxili İşlər orqanlarında və Daxili Qoşunlarında xidmət etdiyi illər ərzində ona həvalə edilmiş vəzifə və tapşırıqları yerinə yetirərkən fəriqləndiyinə görə, Daxili İşlər Nazirnin, Daxili Qoşunlar Komandanın və onun müavinlərinin, hərbi hissə komandirinin, islah — əmək müəssisə rəsinin əmrləri ilə, müvafiq medalarla, əla xidmətlərə görə döş nişanları ilə təltif olunub, fəxrı fərmanlarla, qiymətli hədiyyələrlə mükafatlandırlıb və ona təşəkkür elan edilib.
NURU NURİYEV 70 YAŞIN MÜBARƏK !!!
HƏMİŞƏ ÜZÜN GÜLSÜN, ÜRƏYİN SEVİNSİN!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
BÜTÜN ARZULARIN ÇİN OLSUN!
Azərbaycan Vətən Müharibəsi Veteranları İctimai Birliyi (AVMVİB) sədrinin müavini polkovnik Salman Musayev
