Qarabağ Erməniləri Hərəkatının lideri Zatulini ittiham edib.
Bu barədə Qarabağ Erməniləri Hərəkatının lideri Artur Ağacanov “İnterfaks-Azərbaycan” agentliyinə bildirib.
O deyib ki, Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini Konstantin Zatulinin hərəkətləri Cənubi Qafqazda vəziyyətin sabitliyini pozmağa yönəlib.
Ağaçanov qeyd edib ki, Zatulin iyunun 1-4-də Ermənistanda səfərdə olub.
- “Səfərin məqsədi “mövcud ictimai-siyasi vəziyyət və Qarabağ münaqişəsinin həlli prosesi ilə tanışlıq” elan edilib. Bu səfər çərçivəsində Zatulin separatçıların keçmiş və indiki qondarma “liderləri” görüşüb.
- Sual olunur ki, Zatulin onlarla hansı məqsədlə görüşüb? Fikrimcə, bu, cənab Zatulinin növbəti və məqsədli təxribatıdır.
- Ona görə də belə səfərlər yalnız Ermənistanla Azərbaycan arasında münasibətlərin normallaşmasına ziyan vurur.
- Zatulin və onun kimilər başa düşməlidirlər ki, Ermənistanla Azərbaycan arasında münasibətlərin normallaşması prosesi ləng və çətin olsa da, buna baxmayaraq, düzgün istiqamətdə gedir.
- Bununla paralel olaraq Qarabağ ermənilərinin Azərbaycan cəmiyyətinə inteqrasiyası da həyata keçiriləcək. Və belə dağıdıcı səfərlər Azərbaycanın təşəbbüsü ilə regionda sülh gündəmini dayandıra bilməyəcək”, – deyə Ağacanov vurğulayıb.
Xuraman Etibarlı,
KONKRET.az
Bu xəbəri paylaşın: