İnsan üçün ən yadda qalan günlərdən biri onun doğum günüdür. Belə insanlardan biri də peşəkarlığı və humanistliyi və səmimiyyəti ilə seçilən müharibə veteranı istefada olan kapitan Əsgərov Şaiq Şahid oğludur. Onun İyun ayının 21- də 56 yaşı tamam olur.
Müharibə veteranı istefada olan kapitan Əsgərov Şaiq Şahid oğlu 1966 — cı ilin iyun ayının 21 -də Azərbaycan Respublikasının Qax rayonunun Ləkit kəndində anadan olub.
1983 — cü ildə Qax rayonunun Ləkit kənd orta məktəbi, 1987 — ci ildə Sverdlovski Ali hərbi Siyasi tank məktəbini bitirib. O, Daxili Qoşunlarda xidmət etdiyi illər ərzində bir çox metodiki təlim toplanışlarda, xüsusi taktiki təlimlərdə, müvafiq kurslarda, seminar və konfranslarda fəal iştirak edib.
Daimi həyatın imtahanlarından alnıaçıq və üzüağ çıxan müharibə veteranı istefada olan kapitan Əsgərov Şaiq Şahid oğlunu doğum günü münasibətilə Azərbaycan Vətən Müharibəsi Veteranları İctimai Birliyin rəhbərliyi və Azərbaycan Vətən Müharibəsi Veteranları İctimai Birliyi sədrinin müavini polkovnik Salman Musayev səmimi qəlbdən təbrik edir, həyatda insan üçün ən şirin neymət olan möhkəm can sağlığı və həyat yollarında bitib — tükənməyən naliyyətlər arzulayır. Yaşının üstə gələn bu yaş ona sevinc dolu illər bəxş etsin və hər yeni günü isə onu istəklərinə qovuşduraraq daha da xoşbəxt etsin.
1991 — 2000- ci il tarixlərində Daxili İşlər Nazirliyi Daxili Qoşunlarının Baş İdarəsinin Zaqatala, Ağdam, Ağdərə, Füzuli, Xətai rayonlarında və Gəncə şəhərində yerləşən hərbi hissələrində tabor komandiri, hərbi hissə komandirinin tərbiyəvi işlər üzrə müavini vəzifələrində Vətənə, dövlətə və xalqa sədaqətlə xidmət edib.
1987 — 1991 — ci illərdə Sovet Ordusunun Belarusiya Respublikasnda yerləşən hərbi hissələrində böluk komandirinin tərbiyəvi işlər üzrə müavini, Alayın komsomol təşkilatının katibi vəzfələrində olub.
2001- 2002 -ci illərdə Qax rayonun tam orta məktəblərin birində müəllim vəzifəsində işləyib. Hal- hazırda Daxili Qoşunların Veteranlar şurasının üzvüdür.
O, Azərbaycanın ərazi bütövlüyü uğrunda Ağdam, Ağdərə və Füzuli rayonları istiqamətində gedən döyüşlərdə iştirak edib .Müharibə Veteranıdır.
O, Daxil Qoşunlarda xidmət etdiyi illər ərzində öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi Andın, Hərbi və Daxili Qoşunların döyüş xidməti nizamnamələrin tələblərinin, əmr və sərancamların dəqiq və sözsüz yerinə yetirilməsi işində daimi nümunə olmuşdur.
Qanunvericilik ilə Daxil İşlər Nazirliyinin Daxili Qoşunlarına həvalə edilmiş vəzifələrin yerinə yetirilməsində , şəhərdə və yaşayış məntəqələrində baş vermiş kütləvi ixtşaşların qarşısının alınmasında, cinayətkarlığa qarşı mübarizədə, silahlı birləşmiş dəstələrin axtarışında və zərərsizləşdirilməsində, fövqalədə hallar zamanı hüquqi rejimin təmin edilməsində, baş vermiş təbii fəlakətlərin nəticələrinin aradan qaldırılmasında, dövlətətin ərazi bütövlüyünün təmin edilməsində üzərinə düşən vəzifə və tapşırıqların öhdəsindən layiqincə gəlmişdir.
Xidməti vəzifələrin yerinə yetirilməsinə məsuliyyətlə yanaşdığına görə Daxili İşlər Nazirinin, Daxili Qoşunların Komandanın və onun müavinlərinin, Ali hərbi məktəb rəisinin, hərbı hissə komandirinin əmrləri ilə, müvafiq medallarla, əla xidmətlərə görə döş nişanları ilə təltif olunub., Fəxri fərmanla, qiymətli hədiyyələrlə mükafatlandırıb və ona təşəkkür elan edilib.
DOĞUM GÜNÜN MÜBARƏK OLSUN ŞAİQ BƏY!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
BÜTÜN ARZULARIN ÇİN OLSUN!
Azərbaycan Vətən Müharibəsi Veteranları İctimai Birliyi (AVMVİB) sədrinin müavini polkovnik Salman Musayev
