Rusiya rəsmiləri Ankaraya bildiriblər ki, Moskvanın Odessa limanına edilən hücumlarla heç bir əlaqəsi yoxdur, Türkiyənin müdafiə naziri Hulusi Akar deyib.
“Bizim əlaqəmiz zamanı Rusiya tərəfi bizə bu hücumla heç bir əlaqəsi olmadığını və Rusiya Federasiyasının bu məsələni çox diqqətlə və ətraflı şəkildə öyrəndiyini söylədi”, — deyə Akar bildirib.
Daha əvvəl agentlik Ukrayna silahlı qüvvələrinə istinadən xəbər vermişdi ki, iyulun 23-də Rusiyanın iki “Kalibr” raketi Odessa limanındakı infrastruktura düşüb, daha ikisi isə hava hücumundan müdafiə qüvvələri tərəfindən vurulub.
Rusiya Müdafiə Nazirliyi Odessa limanına hər hansı zərbə endirilməsi barədə məlumat verməyib.
BMT-nin baş katibi Antonio Quterreş Odessa limanına raket hücumlarını «şərtsiz şəkildə pisləyib».
Ukrayna və Türkiyə iyulun 22-də BMT ilə bağlanmış Ukrayna limanlarından — Odessa, Çornomorsk və Yujnı limanlarından taxıl, digər ərzaq məhsulları və gübrələrin ixracına dair saziş imzalayıblar. Eyni güzgü sazişi daha sonra Türkiyə, BMT və Rusiya nümayəndələri tərəfindən imzalanıb, bu, Rusiya ərzaq və gübrələrinin ixracına qoyulan məhdudiyyətlərin aradan qaldırılmasının təşviqinə aiddir. Bildirilib ki, müqavilələrə əməl olunmasına nəzarət etmək üçün İstanbulda dördtərəfli koordinasiya mərkəzi yaradılacaq.
Bu gün isə bildirilib ki, Dünən imzalanan “Taxıl daşıması sazişi”nə əsasən İstanbulda qurulan Müştərək Koordinasiya Mərkəzinin fəaliiyətə başlaması üçün işlər yekunlaşıb.
Bu barədə Türkiyə milli müdafiə naziri Hulusi Akar deyib.
O qeyd edib ki, Rusiya və Ukrayna nümayəndələri, o cümlədən BMT nümayəndəsi indi Türkiyə ilə Müştərək Koordinasiya Mərkəzində işə başlayıb.