Daxili İşlər Nazirliyi Daxili Qoşunlarının (DİN DQ) həyatında öz dəst-xətti olan, peşəkarlığı, humanistliyi, vətənpərvərliyi, səmimiyyəti ilə secilən, mənalı ömrünü DİN DQ-də Vətənə ləyaqətlə xidmətə həsr etmiş, 1997-ci ildən Azərbaycan Vətən Müharibəsi Veteranları İctimai Birliyinin (AVMVİB) üzvü istefada olan mayor Qasımov Məqsəd Məhəmməd oğlu 2022-ci ilin avqust ayının 21-də vəfat edib.
AVMVİB rəhbərliyi, Daxili Qoşunların ehtiyatda və istefada olan hərbi vəzifəliləri, hal-hazırda onun DİN DQ-də xidmət edən iş yoldaşları, “Fədai.az” kollektivi, AVMVİB-in Suraxanı rayon şöbəsinin sədri və üzvləri AVMVİB Suraxanı rayon şöbəsinin üzvü, istefada olan mayor Qasımov Məqsəd Məhəmməd oğlunun vəfatından kədərləndiyini bildirir, məhrumun ailəsinə və yaxınlarına dərin hüznlə başsağlığı verirlər.
Məqsəd Qasımov 1956-cı ildə fevral ayının 2-də Ağstafa rayonunun Sadaqlı kəndində zəhmətkeş ailədə anadan olub.
1973-cü ildə həmin kəndin orta məktəbini, 1977-ci ildə Bakı Plan-Uçot texnikomunu, 1980-ci ildə isə Sovet ordusunda xidmət etdiyi illər ərzində Volqoqrad Mühəndis İstehkam (sapyor) məktəbini bitirib. O, DİN DQ-də xidmət etdiyi illər ərzində Daxili Qoşunların Bas İdarəsində və hərbi hissələrində kecirlən bir çox metodiki təlim toplanışlarda, xüsusi-taktiki təlimlərdə, komando-qərargah məşqlərində, seminar və konfranslarda fəal iştirak edib.
Məqsəd Qasımov 1992-1998-ci illərdə DİN DQ-nin Binəqədi, Ağdam, Ağdərə, Füzuli rayonlarında yerləşən hərbi hissələrdə mühəndis- istehkam taqım və böluk komandiri, alayın mühəndis xidməti rəisi, Daxili Qoşunların Baş İdarəsinin Döyüş hazırlığı idarəsində Mühəndis xidmətinin ilk rəisi vəzifələrində Dövlətə, Vətənə, Xalqa ləyaqətlə xidmət edib.
O, Azərbaycan Respublikası Konstitusiyasına və qanunlarına əməl edilməsi, Hərbi Andın, hərbi və Daxili Qoşunların döyüş xidməti nizamnamələrin tələblərinin yerinə yetirilməsində üzərinə düsən vəzifə və tapşırıqlarının öhtəsindən məsuliyyət və şərəf hissi ilə yerınə yetirmişdir.
Mayor Məqsəd Qasımov Azərbaycan Respublikasının ərazi bütövlüyün təmin edilməsində, respublikada cinayətkarlığa qarşı mübarizədə, ictimai qaydanın qorunmasında və ictimai təhlükəsizliyin təmin olunmasında, fövqaladə vəziyət zamanı hüquqi rejim tədbirlərinin həyata keçirilməsində üzərinə düşən məsul vəzifələri hər zaman layiqincə yerinə yetirən, öz ixtisasını bilən peşəkar zabit olub.
Məqsəd Qasımov Daxili Qoşunların Bas İdarəsinin Döyüş hazırlığı idarəsində mühəndis xidmətinin rəisi vəzifələrində xidmət etdiyi illər ərzində mühəndis xidməti üzrə bir çox mütəxəssiz hərbi qulluqçuların hazırlanmasında xüsusi əməyi olub. O, xəstəliyi ilə əlaqədar təqaüdə çıxdıqdan sonra da AVMVİB-in Suraxanı rayon şöbəsinin üzvü və sədr müavini olduğu illər ərzində də şəxsi heyətin, yeni yetirmələrin hərbi-vətənpərvərlik tərbiyəsində, peşəkarlığının artırılmasında, ordu sıralarından təxris olmuş gənclərin mülki həyata sosial adaptasiya olunması istiqamətində üzərinə düsən vəzifə və tapşırıqların öhtəsindən layiqincə gəlmişdir.
Mayor Məqsəd Qasımov Azərbaycanın ərazi bütövlüyü uğrunda Ağdam, Ağdərə, Füzuli və Cəbrayıl rayonları istiqamətində gedən döyüşlərdə fəal iştirak etmiş, ona həvalə olunmuş vəzifə və tapşırıqların vaxtında yerınə yetirilməsində bir cox hərbi qulluqçulara şəxsi nümunə olmuş, öznü bir mühəndis-istehkamcı peşəkar, qəhrəman zabit (böluk kamandiri və xidmət rəisi) kimi göstərmişdir. O, həmin döyüşlərdə mərdlik və şücaət gösərərək düşmənin 8-dən çox tankını, piyada döyüş maşınını, bir necə artileriya qurğusunu (topunu), 2 (iki) ədəd yancaq daşıyan maşınını, 2 (iki) ədəd şəxsi heyətlə dolu olan “Kamaz” markalı maşınını və xeyli sayda canlı qüvvəsini məhv etmiş, düşmən tərəfindən qurşdırılmış yüzlərlə partlayıcı qurğuları zərərləşdirmişdir.
Mayor Məqsəd Qasımov Ağdam rayonu uğrunda gedən döyüşlərdə xüsusi qəhrəmanlıq göstərmiş, düşmən alayının qərargah rəisinin olduğu tankı izləyərək partlatmış və alayın qərargah rəisini əsir götürmüşdür.
Xidmət vəzifələrin icrasına məsuliyyətlə yaşadığına görə Azərbaycan Respublikasının Daxili işlər nazirnın, Daxili qoşunlar komandanın və onun müavinlərinin, Daxili Qoşunların Baş İdarəsinin Döyüş hazırlığı idarəsinin rəisinin, hərbi hissə komandirinin müvafiq əmrləri ilə “Qusursuz Xidmətlərə görə” medaları ilə, Fəxri Fərmanlarla, qiymətli hədiyyələrlə təltif edilib.
Azərbaycan Respublikası Prezidentinin 25 may 2005 -ci tarixli 803 saylı sərəncamı ilə mayor Qasımov Məqsəd Məhəmməd oğlu Azərbaycan Respublikasının ərazi bütövlüyünün təmin edilməsində, hərbi və xidməti vəzifələri, xüsusi tapşırıqları yerinə yetirərkən fəriqləndiyinə və cəsarət göstərdiyinə görə «İGİDLİYƏ GÖRƏ» və AVMVİB-nin təsis etdiyi Xatirə medallarıyla təltif edilib.
ALLAH RƏHMƏT ELƏSİN, MƏKANI CƏNNƏT OLSUN!
Azərbaycan Vətən Müharibəsi Veteranları İctimai Birliyi (AVMVİB) sədrinin müavini polkovnik Salman Musayev