44 günlük müharibədə İranın hansı təkliflər verdiyini, Paşinyanın hansı təkliflərdən imtina etdiyini bilsə, Ermənistan cəmiyyəti şoka düşəcək. Bu təkliflərin qəbulu müharibənin mahiyyətini və nəticəsini dəyişə bilərdi. Sual yaranır: niyə imtina edildi? Bunu sentyabrın 27-də müzakirə zamanı politoloq Stepan Danielyan deyib.
Onun sözlərinə görə, iki il əvvəl başlayan müharibə hələ də bitməyib.
O, (S)artsaxı ən mühüm geosiyasi mərkəz adlandırıb. Şərqdən Qərbə gedən geosiyasi dəyişikliklər buradakı proseslərdən, o cümlədən kommunikasiya mesajları baxımından asılıdır.
Danielyan 2020-ci ildə Türkiyə, İsrail, İngiltərənin də İrana qarşı yönəlmiş müharibənin tərəfləri olduğunu qeyd edərək, xatırladıb ki, hələ 2018-ci ildə Ermənistana səfəri zamanı Bolton İran sərhədini bağlamaq vəzifəsini qarşıya qoymuşdu.
Ekspert İran hakimiyyətinin Ermənistana qarşı bugünkü hərəkətləri İrana qarşı müharibə kimi qəbul etməsini təsadüfi adlandırıb.
“2018-ci ildə Ermənistana səfəri zamanı Bolton erməniləri stereotiplərdən qurtulmağa çağırıb və ABŞ-ın Ermənistan və ermənilərin Türkiyəyə münasibətində maraqlı olduğunu bildirib. Demək istəyirəm ki, onlar üçün vacibdir. Bolton indiki hakim rejimin Ermənistanda hakimiyyətə gəlməsini dəstəkləmək üçün ödəməli olduğu bədəl adlandırıb. Bu, 2018-ci ildə hakimiyyət dəyişikliyi üçün şərt idi”, deyə o əlavə edib.
Bu gün bütün dünya ölkələri var olmaq uğrunda mübarizə aparır. Politoloqun fikrincə, İran və potensial olaraq ciddi təhlükə altında olan Rusiya da, Azərbaycan da bu mübarizəni aparır.
“Azərbaycan İranın parçalanması üçün real təhlükələr yaradıb və belə təhlükə ilə üzləşən dövlət hər şeyə hazırdır.
Üçüncü qüvvələr bu iki ölkənin hakimiyyətinin istəklərinə zidd olaraq İranla Azərbaycan arasında müharibəyə yol aça bilərlər. Məqsəd müxtəlif texnologiyaların köməyi ilə zərbə endirmək üçün İranı təcavüz etməkdə ittiham etmək ola bilər. İran da öz növbəsində Yaxın Şərqdəki proseslərə təsir rıçaqlarına sahibdir.
Bundan başqa, Azərbaycan da bu təhlükələri anlayan Rusiya ərazisində türk ideologiyalarını yayır.
Türkiyənin ekspansionist xarici siyasəti də təhlükə altındadır. Onun üçün əsas təhlükə kürdlərdir. Birləşmiş Ştatlar da iqtisadi böhrana görə dağılma təhlükəsi altındadır”, — Danielyan vurğulayıb.
Ekspert Rusiya Federasiyası ilə ABŞ arasında müharibənin təkcə Ukraynada deyil, regionumuzda da aparıldığını qeyd edərək, Rusiyanın öz maraqlarına əsaslanan davranışını başa düşülən adlandırıb.
“2020-ci ildə Rusiya Ukrayna ilə müharibəyə hazırlaşırdı və buna hazırlaşmalı idi, o cümlədən Türkiyə ilə münasibətlər baxımından”.
Əgər burada hər hansı bir regional gücün iştirakı ilə müharibə başlasa, başqa ölkələr də ona qoşulacaq. “Burada müharibə Ukraynadan qat-qat qanlı olacaq. Odur ki, hətta Paşinyanın Ermənistan ərazisi kimi səsləndirdiyi 29,8 min kvadrat kilometr rəqəmlər də şübhə altına düşə bilər.
Hər halda Ermənistan Azərbaycanın 30 il ərzində imzalamadığı kimi heç bir sənədə imza atmamalıdır. Ermənistan cəmi bir neçə ay dözməlidir”, — deyə Danielyan sözlərini yekunlaşdırıb.
Mənbə: News.am