İnsan üçün ən yadda qalan günlərdən başlıcası onun həyata gəldiyi gündür. Ömürə bəzək olan ad günü hər il xüsusi ilə qeyd olunur . Belə insanlardan biri də Azərbaycan Vətən Müharibəsi Veteranları İctimai Birliyinin Kürdəmir rayon şöbəsinin sədri 2-ci qrup müharibə əlili Dadaşov Fərəc Balabəy oğludur. Mart ayının 6-da onun 56 yaşı tamam olur.
Azərbaycan Vətən Müharibəsi Veteranları İctimai Birliyinin rəhbərliyi, Fədai. az kollektivi, doğmaları, iş və döyüşcü yoldaşları 2-ci qrup müharibə əlili Dadaşov Fərəc Balabəy oğlunu doğum günü münasibətilə səmimi qəlbdən təbrik edir, həyatda insan üçün ən şirin
nemət olan möhkəm can sağlığı,ailə səadəti və həyat yollarında bitib — tükənməyən nailiyyətlər arzulayırlar.Arzu edirilər ki, Fərəcin yaşının üstə gələn bu yaş ona sevinc dolu günlər bəxş etsin və hər yeniİli isə ötən illərdən daha gözəl istəklərinə uyğun onu xoşbəxt edəcək şəkildə keçsin.
Dadaşov Fərəc Balabəy oğlu 1967 -ci ilin mart ayının 6-da Azərbaycan Respublikasının Kürdəmir rayonunun Bağman kəndində ziyalı ailəsində dünyaya göz açıb.
1982-ci ildə Kürdəmir rayonunun Bağman kənd orta məktəbin səkkizinci sinfini, 1984- ci ildə Kürdəmir rayonunun Karrar kənd orta məktəbini, 1991 -ci ildə isə M.F.Axundov adına Azərbaycan Pedaqoji Rus dili və Ədəbiyyat institutunu bitrib. Fərəc Dadaşov 1985
1986 -cı illərdə Sovet ordusunun Almaniyada yerləşən hərbi hissəində müddətli həqiqi hərbi xidmətdə olub.1991 — ci ildə könüllü olaraq özünü Müdafiyə batalyonuna və Milli Ordu sıralarına yazılaraq, 1991- 1993-cü illərdə Azərbaycan Respublikasının ərazi bütövlüyü uğrunda ( Ağdam və Lacın rayonları istiqamətində) gedən döyüşlərdə iştirak edib və yaralanıb.
O, 1999- 2001 — ci illərdə Kürdəmir rayonunun Bağman kənd Bələdiyyəsinin sədri olub, 2002-ci ildən etibarən isə Kürdəmir rayon İcra Hakimiyyətində müvafiq vəzifələrdə işləyir. 2-ci qurup müharibə əlili Dadaşov Fərəc Balabəy oğlu 1996-cı ildən etibarən Azərbaycan Vətən Müharibəsi Veteranları İctimai Birliyinin Kürdəmir rayon şöbəsinin sədri vəzifəsini yerınə yetirir.
Müstəqil Azərbaycan Ordusunun döyüş bölgələrində yerləşən hərbi hissələrində xidmət etdiyi illər ərzində, 1996-cı ildən etibarən isə Azərbaycan Vətən Müharibəsi Veteranları İctimai Birliyinin Kürdəmir rayon şöbəsinin sədri vəzifəsini yerinə yetirərkən Azərbaycan Respublikasının Konstitusiyasına və qanunlarına əməl etməkdə üzərinə düşən vəzifə və tapşırıqların öhdəsindən layiqincə gəlmişdir.
Dadaşov Fərəc Balabəy oğlu Azərbaycan Ordusunun döyüş bölgələrində yerləşən hərbi hissələrində xidmət etdiyi, Kürdəmir rayon İcra Hakimiyyətində işlədiyi, 1996-cı ildən etibarən isə Azərbaycan Vətən Müharibəsi Veteranları İctimai Birliyinin Kürdəmir rayon şöbəsinin sədri vəzifəsini yerinə yetirdiyi illər ərzində üzərinə düşən vəzifə və tapşırıqların öhdəsindən layiqincə gəldiyinə görə Azərbaycan Ordusunun Korpus və Hərbi Hissə Komandirinin, Kürdəmir rayon İcra Hakimiyyətinin Başçısının müvafiq əmrləri ilə, Azərbaycan Vətən Müharibəsi Veteranları İctimai Birliyinin sədrinin müvafiq əmirləri ilə,bir cox fəxri fərmanlarla, qiymətli hədiyyələrlə mükafatlandırılıb, ona təşəkkür elan edilib,Azərbaycan Vətən Müharibəsi Veteranları İctimai Birliyinin isə təsis etdiyi xatirə medalları ilə təltif edilib.
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
DOĞUM GÜNÜN MÜBARƏK OLSUN. FƏRƏC!
HƏMİŞƏ ÜZÜN GÜLSÜN, ÜRƏYİN SEVİNSİN!
DAİMA XOŞBƏXT YAŞA, ÖMRÜN UZUN OLSUN!
BÜTÜN ARZULARIN ÇİN OLSUN!
