Xəqani müəllimin əziz xatirəsinə
Fedai.az “Qızıl qələm” mükafatı laureatı Əbdülrəhman Pirəliyevin Birinci Qarabağ Savaşında cəbhəy yolanan ilk döyüşçü jurnalist ,Turan sevdalı savaş adamı Xaqani Ədəboğlunun əziz xatirəsinə həsr etdiyi şeiri təqdim edir.
Xaqani müəllim
Gəldin bu dünyaya, köçdün dünyadan
Bir göz qırpımında, mələklər kimi
Həyatda yoxluğun, sarsıdır məni
İçim qan ağlayır, Xaqani müəllim
*********************************
Sən idin təsəllim, çətində, darda
Bu gün, kədərimsən, qəmimsən mənim
Dünən sinəmdəki, döyünən ürək
Bu gün, xatirəmsən, Xaqani müəllim
**********************************
Bir əlimdə silah, birində qələm.
Qatıldın döyüşə, bir əsgər kimi
Qələbə naminə, vətən naminə
Keçdin həyatından, Xaqani müəllim.
*********************************
Vuruşdun vətəndə, vətəndən kənar
Vətənə müxalif, şər qüvvələrlə
Düşmən üzərində, qələbəmizdə
Danılmaz payın var, Xaqani müəllim.
**********************************
Barışa bilmirəm, yarımçıq qalan
Həyat hekayənlə, arzularınla
Barışa bilmirəm, bu gün həyatda
Sənin yoxluğunla, Xaqani müəllim
*******************************
Baxıram rəsminə, qərənfillərə
Kövrək bir ifadə, qopur dilimdən
Baş əyib ruhuna, deyirəm sənin
Məkanın Cənnətdi, Xaqani müəllim
********************************
Mən səni özümə, qardaş bilirdim
Həmkarım bilirdim, sirdaş bilirdim
Sağımda görürdüm, hər zaman səni
Sağımı boş qoydun, Xaqani müəllim