Feysbuk və ya İnstaqram hesabını bağlayanlara 120 dollara qədər pul ödənəcək

ABŞ-da yeni sosial araşdırmaya başlayan Feysbuk dəvət göndərdiyi bəzi istifadəçilərə İnstaqram və ya Feysbuk hesablarını müvəqqəti bağlamalarının qarşılığında pul ödəyəcək.

TED.az xəbər verir ki, bunun üçün hesab sentyabrın sonuna qədər bağlı qalmalıdır. Ödənişin məbləği isə 120 dollara qədərdir. 

Bu addımı atmaqda şirkətin əsas məqsədi istifadəçi sayını azaltmaq deyil, ABŞ-dakı seçkilərdə sosial medianın rolunu araşdırmaqdır. Feysbukun araşdırmasına 200-400 minə qədər şəxsin qatılacağı gözlənilir. Sözügedən dəvət isə seçilmiş şəxslərə göndəriləcək. 

Feysbuk rəsmiləri bütün məlumatların anonim qalacağını və araşdırma nəticələrinin gələn ilə qədər açıqlanmayacağını bildiriblər.

Bu xəbəri paylaşın: