Mübariz Mənsimovun məhkəməsi martın 5-ə təxirə salınıb.
Fedai.az xəbər verir ki, bunu “Palmali”nin mətbuat katibi Fidan Quliyeva öz facebook səhifəsində yazıb.
“Hakim hökmü oxumadı. Məhkəmə mart ayının 5-də davam edəcək. İfadə vermək üçün daha 2 nəfər məhkəməyə dəvət ediləcək”, – deyə Quliyeva yazıb.
Qeyd edək ki, M.Mənsimov 15 mart 2020-ci ildə FETÖ ilə işbirliyində ittiham olunaraq saxlanılıb və 17 martda barəsində həbs qərarı verilib. Sentyabrda onun həbs müddəti uzadılıb.
