“Co Bayden komandasının ABŞ-da hakimiyyətə gəlməsi ilə Cənubi Qafqazda indi yeni böyük oyun ortaya çıxdı. Bu oyunda Dağlıq Qarabağ ətrafındakı müharibədən sonrakı vəziyyətin mövzusu təsir sahələrinin yenidən bölüşdürülməsi üçün bəhanə olacaq. Burada ən vacib rolu bütün prosesin təşəbbüskarı – Türkiyə oynayır. Həm Cənubi Qafqazda, həm də Avropada indi ABŞ-ın yeni seçilmiş prezidenti Co Bayden administrasiyasının Türkiyə ilə bağlı mövqeyini çox gözləyirlər”.
KONKRET.az xəbər verir ki, bu fikirləri Rusiya Xarici Siyasət Tədqiqatları və Təşəbbüslər İnstitutunun baş direktoru Veronika Kraşeninnikova “ABŞ: İnaqurasiyadan bir addım uzaqda” adlı onlayn konfransda söyləyib. O əlavə edib ki, “Vaşinqtonun NATO-da Türkiyəyə ABŞ-dan sonra ən böyük orduya malik dövlət kimi çox böyük ehtiyacı var”.(KONKRET.az)