Rus sülhməramlıları daşıyan yük maşını Qarabağda minaya düşüb, ağır yaralılar var

Rus sülhməramlıları daşıyan yük maşını Qarabağda tank əleyhinə minaya düşüb.

Ordu.az xəbər verir ki, bu barədə Rusiyanın «Avia.pro» saytı yazıb.

Partlayış nəticəsində ən azı iki rus hərbi qulluqçu ağır yaralanıb. Mina artıq minatəmizləmə işlərinin həyata keçirildiyi bölgədə partlayıb.

Saytın məlumatlarına görə, bu, son həftə ərzində sülhməramlı missiya ilə Qarabağda olan rus hərbi qulluqçularla bağlı baş vermiş ən azı ikinci hadisədir.

Sayt onu da yazıb ki, yük maşınında neçə hərbi qulluqçunun olması, yaralıların vəziyyətinin necə olması barədə məlumat yoxdur, çünki baş verənlərlə bağlı rəsmi şərh yoxdur.

Alpər Mövludoğlu
Ordu.az

Bu xəbəri paylaşın: