Yüksək peşəkarlığı və humanistliyi,nəzəri və praktiki biliyi, işgüzarlığı və mənəvi keyfiyyəti,dəqiqliyi və təmkinliyi, sadəliyi və səmimiyyəti, təcavüzkarlığı və vətənpərvərliyi eləcədə bədən tərbiyəsi və idman sahəsində qazandığı uğur və naliyətləri ilə seçilən ömrünün ən məhsuldar dövrünün 42 ildən çox şərəfli xidmət yolunu hərbi xidmətdə və İdman sahəsində keçirən “Respublikanın Əməkdar Məşqicisi”, Respublika dərəcəli hakim, Fəxri Bədən Tərbiyəsi ve İdman İşcisi, SSRİ idman ustası ehtiyatda olan mayor Məmmədov Faiq Hüseyn oğlunun mart ayın 3 -də, 66 — yaşı tamam oldu.
Azərbaycan Vətən müharibəsi Veteranlari İctimai Birliyinin rəhbərliyi və Azərbaycan Vətən Müharibəsi Veteranları İctimai Birliyinin sədr müavini polkovnik Salman Musayev istefada olan Mayor Məmmədov Faiq Hüseyin oğlunu doğum günü munasbətilə səmimi qəlbdən təbrik edir, həyatda insan üçün ən şirin nemət olan möhkəm can sağlığı, ailə səadəti və həyat yollarında bitib — tükənməyən nailiyyətlər arzulayir.
Arzu edirik ki, Faiq Məmmədovun yaşının üstə gələn bu yaş ona sevinc dolu günlər bəxş etsin və hər yeni günü isə ötən günlərdən daha gözəl istəklərinə uyğun onu xoşbəxt edəcək şəkildə keçsin. Amin!
Mayor Məmmədov Faiq Hüseyin oğlu 03 mart 1956 -cı ildə Gəncə şəhərində ziyalı ailəsində anadan olub.
1973-cü ildə Gəncə şəhərində 29 nömrəli orta məktəbi, 1978-ci ildə Azərbaycan İnşaat Mühəndisləri İnstitutunu bitrib. O, Daxili Qoşunlarda xidmət illər ərzində Daxili Qoşunların Baş İdarəsində, hərbi hissələrində və -in İdman cəmiyyətində kecirlən bir çox metodiki təlim toplanışlarda, təlimlərdə, seminar və konfranslarda fəal iştirak edib.
1978- 1980-ci illərdə Sovet Ordusunun Sankt-Peterburq (Leninqrad) şəhərində yerləşən hərbi hissədə müdddətli həqiqi hərbi xidmətdə olub. 1980- 1992-ci ildə Gəncə şəhərində “Ehtiyat Əmək Qüvvələr» idman cəmiyyətində sərbəst güləş bölməsində baş məşqçi vəzfəsində işləyib.
1993-2012 -cı illərdə Daxili İşlər Nazirliyinin Daxili Qoşunların Baş İdarəsinin Gəncə şəhərində yerləşən hərbi hissədə hərbi hissənin fiziki hazırlıq və idman rəisi, hərbi hissənin Qərargah rəisinin döyüş təlimi üzrə müavini vəzifələrində Vətənə Dövlətə və xalqa sədaqətlə xidmət etmişdir.
Faiq Məmmədov hal -hazırda «Təhsil » Respublika İdman Mərkəzinin Gəncə şəhər 1- nömrəli uşaq, gənclər idman şahmat məktəbində sərbəst güləş bölməsının baş məşqçisi vəzifəsində işləyir.
Mayor Faiq Məmmədov dəfələrlə Sərbəst güləş üzrə Ölkə birinciklərinin və Beynəlxalq yarışlarların və turnirlərin qalibi və mükafatçısı, Respulakanın sərbət güləş üzrə yığma komandasının üzvi olmuşdur.
O,Daxili Qoşunlarda xidmət etdiyi illər ərzində özünü qorxmaz, səxavətli, insanpərvər, əliaçıq, zəhmətkeş zabit kimi göstərmişdir. O, istər anadan olduğu və yaşadığı ərazidə, oxuduğu orta və ali təhsil müəsələrində, istərsədə xidmət etdiyi və işlədiyi kollektivlərdə, dost -tanış ,qohum-əqrəba arasında özünə layiq hörmət qazanmışdır.
Müstəqil Azərbaycanın Daxili İşlər Nazirliyinin Daxili Qoşunlarında xidmət etdiyi illər ərzində,Azərbaycan Respublikasının Konstitusiyasına və qanunlarına əməl etməkdə, hərbi andın, hərbi nizamnamələrin və digər hüquqi- normativ aktların tələblərinə, eləcədə vəzifə borclarının icrasına məsuliyyətlə yanaşmış, qarşıya qoyulmuş xidməti tapşırıqları müvəffəqiyyətlə yerinə yetirilməsi üçün öz əməyini əsirgəməmiş, şəxsi nümunəsi ilə bir çox hərbi qulluqçuları fədakar hərbi xidmətə ruhlandırmışdır.
Azərbaycan Respublikasında ictimai qaydanın və ictimai təhlükəsizliyin qorunmasında, şəhərdə və yaşayış məntəqələrində, Mütəşəkkil cinayətkarlığa qarşı mübarizədə, qanunsuz silahlı dəstələrin axtarışında və zərərsizləşdirilməsində, fövqaladə vəziyyət zamanı hüquqi rejimin təmin olunmasında ,baş vermiş təbii fəlakətlərin nəticələrinin aradan qaldırılmasında, dövlətin ərazi bütövlüyünün təmin olunmasında üzərinə düşən vəzifə və tapşırıqları məsuliyyət və şərəf hissi ilə yerinə yetirmişdir.
Faiq Məmmədov Daxili Qoşunların Baş idarəsinin Gəncə şəhərində yerləşən hərbi hissəsində İdman və fiziki hazırlıq üzrə rəis vəzifəsində xidmət etdiyi illər ərzində onun xidmət etdiyi hərbi hissə Daxili Qoşunların Baş İdarəsinin hərbi hissələri və əlahiddə bölmələri arasında keçirilən yarışların, kütləvi- idman işilərinə baxışların, hərbi hissələrdə isə fiziki hazırlıq üzrə keçirilən ümümü (yekun) və nəzarət yoxlamaların nəticələrinə görə dəfələrlə hərbi hissələr arasında birinci yerin qalibi olduğuna görə Daxili Qoşunlar Komandanın müvafiq əmrləri ilə Kubokla və Fəxri fərmanla təltif edilib .
Ehtiyatda olan mayor Faiq Məmmədov İdman sahəsində qazandığı uğur və naliyətlərə görə Azərbaycan Respublikasının Əməkdar Məşqicisi, SSRİ İdman Ustası, Azərbaycan Respublikasının Fəxri Bədən Tərbiyəsi və İdman İşçisi, Respublika Dərəcəli Hakim, Məşqçi müəllim adlarına layiq görülüb.
Hərbi xidməti vəzifələrinin icrası zamanı yüksək mənəvi döyüş keyfiyyətləri göstərdiyinə görə döyüş və ictimai siyasi hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi xidmətinə görə Daxili İşlər Nazirinin, Daxili Qoşunlar Komandanın və onun müavinlərinin, hərbi hissə komandirinin müvafiq əmrləri ilə əla xidmətlərə görə döş və yubiley nişanları ilə, pul mükafatları ilə, fəxri fərmanlarla və qiymətli hədiyyələrlə mükafatlandırlıb və ona təşəkkür elan edilib.
Döyüş hazırlığındakı əla göstəricilərə görə, xüsusi əməliyyatlarda, təlimlərdə, döyüş növbəsində, döyüş xidmətində xüsusi fərqləndiyinə, şücaət və fədakarlıq göstərdiyinə görə Azərbaycan Respublikasının Prezidenti adından Daxili İşlər Nazirinin müvaiq əmrləri ilə «Qüsursuz Xidmətlərə görə» 1-ci, 2-ci və 3-cü dərəcəli, «Silahlı Qüvvələrin yaranmasının» isə 10-iliyi və 90-iliyi yubiley medalları ilə təltif edilib.
AD GÜNÜN MÜBARƏK OLSUN, FAİQ BƏY!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
BÜTÜN ARZULARIN ÇİN OLSUN!
DAİMA XOŞBƏXT YAŞA, ÖMRÜN UZUN OLSUN!
Dərin hörmətlə, Azərbaycan Vətən Müharibəsi Veteranları İctimai Birliyinin sədr müavini polkovnik Salman Musayev
