Ukraynada müharibə başlayandan Belarusun Qomel, Mozır və Narovlya şəhərlərindəki xəstəxanalar yaralı rusları, meyitxanalar isə ölüləri qəbul etməyə başladı.
Bu barədə Radio «Svaboda» mənbələrə istinadən xəbər verib.
Nəşrin məlumatına görə, belarus həkimləri bu məlumatla bağlı açıqlanmamaq barədə müqavilə imzalayıblar. Bəzi həkimləri işdən çıxarmaqla hədələyiblər.
Mənbələr Mozır və Qomeldəki morqların rusların cəsədləri ilə dolu olduğunu təsdiqləyir. Keçən həftə Mozırda onları dərhal Rusiya Dəmir Yollarının qatarlarına yükləyiblər.
«Çoxlu cəsədlər var idi! Mozır stansiyasındakı insanlar qatara yüklənmiş cəsədlərin sayından sadəcə şoka düşdülər. İnsanlar video çəkməyə başladılar, lakin hərbçilər onları yaxaladılar və kadrların silinməsini əmr etdilər.
Mozır yaxınlığındakı Kamenka kəndində qəbiristanlığın qarşısı kəsilib, ora heç kəs buraxılmayıb, mühafizəçilər qoyulub. Yəqin orda rusları basdırmağa başlayıblar. Xüsusilə nəzərə alsaq ki, Kamenka yaxınlığında aerodrom və rusların böyük düşərgəsi var”, — Mozır sakini deyir.
Başqa bir mənbə bildirib ki, Mozırdakı xəstəxana hələ də bütün həkimlər, hətta dar mütəxəssislər tərəfindən baxılan yaralı ruslarla doludur.
Eyni zamanda, buradakı yerli sakinlər rentgenə düşə bilmirlər — onları uşaq xəstəxanasına göndərirlər.
Qomel sakinləri bildiriblər ki, yaralı ruslar avtobus və PAZ avtobuslarla, ölənlər isə yük maşınları ilə aparılır.
«Onların cəsədləri «Ural» maşınlarıyla hava limanına, oradan isə Rusiyaya aparılır», — deyə Qomel sakini bildirib.
Nəşr onu da yazır ki, müharibə başlayandan yaralı ruslar Qomel Radiasiya Təbabəti Mərkəzində müalicə olunurlar.
Bundan əlavə, yaralılar Kostyukovka xəstəxanasına, təcili tibbi yardım xəstəxanasına və regional klinik xəstəxanaya çatdırılır.
Mənbə: Ukrainskaya pravda