TƏBRİK: BABAYEV VALEH MƏHƏMMƏD OĞLU — 64

İşgüzarlığı, yüksək intellektual səviyyəsi və idarəçilik qabiliyyəti ilə seçilən Müharibə Veteranı ehtiyatda olan mayor Babayev Valeh Məhəmməd oğlunun aprel ayının 24 də onun 64 yaşı tamam olur.

Daimi həyatın bütün imtahanlarından alnıaçıq və üzüağ çıxan Müharibə Veteranı ehtiyatda olan mayor Babayev Valeh Məhəmməd oğlunu doğum günü münasibətilə Azərbaycan Vətən Müharibəsi Veteranları İctimai Birliyinin (Avmvib) rəhbərliyi və Azərbaycan Veten Müharibəsi Veteranları İctimai Birliyi (AVMVİB) sədrinin müavini polkovnik Salman Musayev səmimi qəlbdən təbrik edir, səbəbkara həyatda insan üçün ən şirin nemət olan möhkəm can sağlığı və həyat yollarında bitib — tükənməyən nailiyyətlər arzulayır.

Arzu edirik ki, Valehin yaşının üstə gələn bu yaş ona sevinc dolu günlər bəxş etsin və hər yeni günü isə ötən günlərdən daha gözəl istəklərinə uyğun onu xoşbəxt edəcək şəkildə keçsin.Amin!

Babayev Valeh Məhəmməd oğlu 1958 — ci illin aprel ayının 24 də Azərbaycan respublikasının Şamaxı rayonunda anadan olub.

1975 — ci ildə Azərbaycan Respublikasının Ağsu ayonunda orta məktəbi, 1984- cü ildə Azərbaycan Politexnik İnstitutunun Avtomobil və Nəqliyyat fakultəsini bitirib. Daxili İşlər Nazirliyinin Daxili Qoşunlarında xidmət etdiyi illər ərzində Daxili Qoşunların Baş idarəsində və hərbi hissələrində keçirilən bir çox metodiki -təlim toplanışlarda, xüsusi taktiki təlimlərdə seminar və konfranslarda fəal iştirak edib.

1976 — cı ildə Rusiya Sovet Federativ Sosialist Respublikasının Murmansk vilayətinin Severomorski şəhərində yerləşən tədris alayında kiçik kamandirlər hazırlyan kursu bitrib.

1976 — 1978 -ci illərdə Rusiya Sovet Sosialist Respublikasının Murmansk Vilayətinin Severomorski, Arxangelski Vilayətinin isə Severobivinski şəhərlərində yerləşən hərbi hissələrindədə müddətlı həqiqi hərbi xidmətdə (manqa komandiri və taqım komandirinin müavinini vəzifəsində, starşina rütbəsində) olub.

1984 — 1988 -ci illərdə Bakı Tramvay və Trolleybus Parkında usta, mühəndis, sex rəisi və direktor müavini, 1989 — 1992- ci illərdə isə Bakı Avtobus bazasının direktoru işləyib.

1992- 1997-ci illərdə Daxili İşlər Nazirliyinin Daxili Qoşunların Baş İdarəsinin Nizami, Nərimanov və Xəzər rayonlarında, Xaçmaz rayonunun Yalama qəsəbəsində yerləşən hərbi hissələrində hərbi hissə komandirinin Silah və Texnika xidmətləri üzrə müavini, Daxili Qoşunların Bas İdarəsində isə Avtomobil xidməti rəisi və Zirehli texnika xidmət rəisi vəzifələrində Vətənə Dövlətə və xalqa xidmət edib.

Müstəqil Azərbaycanın Daxili İşlər Nazirliyinin Daxili Qoşunlarında xidmət etdiyi illər ərzində,Azərbaycan Respublikasının Konstitusiyasına və qanunlarına əməl etməkdə, hərbi andın, hərbi nizamnamələrin və digər hüquqi- normativ aktların tələblərinə, eləcə də vəzifə borclarının icrasına məsuliyyətlə yanaşmış, qarşıya qoyulmuş xidməti tapşırıqları müvəffəqiyyətlə yerinə yetirilməsi üçün öz əməyini əsirgəməmiş, şəxsi nümunəsi ilə bir çox hərbi qulluqçuları fədakar hərbi xidmətə ruhlandırmışdır.

Azərbaycan Respublikasında ictimai qaydanın və ictimai təhlükəsizliyin qorunmasında, şəhərdə və yaşayış məntəqələrində baş vermiş ixtşaşların qarşısının alınmasında, mütəşəkkil cinayətkarlığa qarşı mübarizədə, qanunsuz silahlı birləşmiş dəstələrin axtarışında və zərərsizləşdirilməsində , fövqaladə vəziyət zamanı hüquqi rejimin təmin edilməsində, baş vermiş təbii fəlakətlərin nəticələrinin aradan qaldırılmasında, dövlətin ərazi bütövlüyünün təmin edilməsində üzərinə düsən vəzifə və tapşırıqları məsuliyyət və şərəf hissi ilə yerinə yetirmişdir.

Azərbaycanın ərazi bütövlüyü uğrunda gedən döyüşlərdə iştirak edib. Müharibə veteranıdır.

Hərbi xidməti vəzifələrinin icrası zamanı yüksək mənəvi döyüş keyfiyyətləri göstərdiyinə görə döyüş və ictimai siyasi hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi xidmətinə görə Daxili İşlər Nazirinin, Daxili Qoşunlar Komandanın və onun müavinlərinin, hərbi hissə komandirinin müvafiq əmrləri ilə əla xidmətlərə görə döş və yubiley nişanları ilə, pul mükafatları ilə, fəxri fərmanlarla və qiymətli hədiyyələrlə mükafatlandırlıb və ona təşəkkür elan edilib.