“ABŞ vətəndaş müharibəsi astanasındadır”.
Bu fikri “The Washington Post” qəzetinin baş redaktoru Mark Fişer bazar günü nəşrin çap versiyasında dərc olunmuş köşə yazısında bildirib. Jurnalist bu məsələni bir sıra ekspertlərlə müzakirə edib.
Mark Fişerin fikrincə, ekstremizmin davamlı artması və siyasi opponentlərin təxribat xarakterli bəyanatları ölkənin münaqişədən qaça bilməyəcəyini göstərir.
O bildirib ki, Birləşmiş Ştatlar çox güman ki, ölkədə bir çoxlarının qaçılmaz və hətta zəruri hesab etdiyi vətəndaş müharibəsinin astanasındadır.
“ABŞ-ın 1861-ci ildən bəri olduğu kimi bu gün də vətəndaş müharibəsi astanasına yaxınlaşdığı qənaətinə gəlmək asan və məntiqlidir (ABŞ-da Şimal və Cənub arasında vətəndaş müharibəsi 1861-1865-ci ildə baş verib). Çox adam, o cümlədən Demokratlar və Respublikaçılar partiyalarından olan siyasətçilər, vətəndaş müharibəsini öyrənən alimlər və hər iki tərəfdən ekstremistlər bu gün vətəndaş müharibəsinin ya qaçılmaz, ya da zəruri olduğu fikri ilə razılaşırlar”, – deyə Fişer bildirib.
Səbəblər arasında, FTB agentlərinə, hakimlərə, seçilmiş məmurlara qarşı təhdid dalğası, ağır silahlı radikalların öz hökumətlərinə müqavimət göstərmək üçün təlim keçdiyi düşərgələr, sorğular göstərir ki, amerikalıların çoxu şiddətli qarşıdurma gözləyir.
Jurnalist hesab edir ki, ekstremizmin davamlı böyüməsi və siyasi opponentlərin təxribat xarakterli bəyanatları ölkənin böyük ehtimalla münaqişədən qaça bilməyəcəyini göstərir.
“FTB-nin ABŞ-ın keçmiş prezidenti Donald Trampın Floridadakı malikanəsinə basqın etməsindən sonra sağçı ekstremist bəyanatlar, əsas mediada həyəcan verici xəbərdarlıqlar, təhdidlər və hücumlar dalğası – bütün bunlar vətəndaş müharibəsinin qorxulu perspektivindən başqa bir şey deyil”, – nəşrin redaktoru bildirib.
Fişer həmçinin son vaxtlar daha çox odlu silah almağa başlayan Amerika vətəndaşları arasında hakimiyyətə inamın itirilməsi, icma və ümid hissinə işarə edir.
O, hazırkı vəziyyətin qızğın vətəndaş müharibəsinin qaçılmazlığını – partlayışlar, qətllər, federal qurumlara və məmurlara hücumlarla təsdiq etdiyinə əmin olan bir sıra ekspertlərin fikrinə istinad edir.
Digər analitiklər hesab edir ki, vətəndaş müharibəsi olmayacaq, lakin ayrı-ayrı radikallar və kiçik ekstremist qruplar tərəfindən dövlət məmurlarına hücum hallarının sayı artacaq. Bununla belə, hamı razılaşır ki, hökumətə mütəşəkkil, silahlı hücum, yaxud yerli və ya əyalət orqanları silaha sarılaraq federal həmkarlarına qarşı çıxma ehtimalı azdır.
Buna baxmayaraq, Fişer qeyd edir ki, artan hücumlar silsiləsi ölkədə sabitliyi pozacaq hərbi münaqişəyə gətirib çıxara biləcəyi ilə bağlı kəskin fikir ayrılığı qalır. Bununla yanaşı, o, özü də hesab edir ki, indi indiki qarışıqlıqdan vətəndaş müharibəsinin baş verəcəyini təsəvvür etmək çətindir, lakin bunun mümkünlüyünü etiraf edir.
Xuraman Etibarlı
Mənbə: KONKRET.az