Çexiyanın paytaxtı Praqada Türkiyə Prezidenti Rəcəb Tayyib Ərdoğan və Ermənistanın baş naziri Nikol Paşinyan arasında görüş olub.
«Haber Global» xəbər verir ki, sonuncu dəfə iki ölkə arasında liderlər səviyyəsində görüş 2009-cu ildə baş tutub.
Türkiyə Prezidenti Rəcəb Tayyib Ərdoğan Praqada mətbuat konfransı zamanı görüş barədə belə deyib:
“Türkiyə ilə Ermənistan arasında münasibətlərin normallaşması üçün mövcud olan xüsusi təmsilçilərimiz danışıqları davam etdirirlər. Eyni zamanda hər iki ölkənin xarici işlər nazirləri bütün bu məsələləri ümumiləşdirib bizə təqdim edəcəklər”.
Ərdoğan əlavə edib ki, ölkələr arasında normallaşma prosesinə dair xüsusi numayəndələr görüşəcək: “Növbəti addımlar bu görüşlərin nəticəsindən asılı olaraq atılacaq”.
O, jurnalistin Ermənistana irəli sürdüyünüz ilkin şərtlər nədir sualına cavabında deyib:
“Bizim ilkin şərtimiz yoxdur. Biz sadəcə istəyirik ki, Ermənistan Azərbaycanla hüquqi məsələləri həll etsin və dərhal sülh bağlı müqaviləsini imzalasın. Bunu etdiyiniz anda bizimlə bağlı heç bir problem qalmayacaq. Qapılar açılacaqsa, qapıları, hava, yol və dəmir yollarımızı açarıq”.