9 Noyabr 2024-cü il Dövlət Bayrağı Günü həm də AVMVİB Mətbuat Xidmətinin yaradıcısı və rəhbəri, Qarabağ qazisi, şəhid jurnalist Xaqani Ədəboğlunun doğum günüdür.
Bu xüsusi gündə Azərbaycan Vətən Müharibəsi Veteranları İctimai Birliyinin (AVMVİB) rəhbərliyi, həmçinin AVMVİB-in Bakı və Bakıətrafı rayon şöbəsinin sədrləri və üzvləri unudulmaz və dəyərli şəxsiyyət Xaqani Ədəboğlunun məzarını ziyarət edərək onun ruhuna dualar oxumuş, məzarı üzərinə güllər qoymuş, ardınca Azərbaycan Respublikasının suverenliyi və azadlığı uğrunda canından keçmiş şəhidlərimizin məzarı ziyarət olunmuşdur,onların məzarı önünə gül-çiçək dəstələri qoyulmuş, ruhuna dualar oxunmuş, əziz xatirələri ehtiramla yad edilmişdir.
Tədbir iştirakçıları bu əlamətdar gündə — Dövlət Bayrağı Günündə şəhidlərimizin və dövlət bayrağımızın arasında olan simvolikanın mahiyyətibi şərh etmiş, bayrağımızın daşıdığı müqəddəslik rəmzinin əhəmiyyəti kimi tərənnüm etmiş, Allahdan bütün şəhidlərimizə rəhmət, veteran qazilərimizə sağlamlıq arzulamış və tədbirin Azərbaycan xalqı və gənc nəsli üçün ifadə etdiyi tarixi əhəmiyyətə diqqət çəkmişlər.
AVMVİB Mətbuat xdiməti
