Aramızda hələ də erməni dezinformasiyalarına inananlar az deyil. Ermənilər bu dəfə də güya döyüşdə «öldürdükləri» azərbaycanlı döyüşçülərin siyahısını yayıb.
https://hamimiz.com/
Maraqlıdır ki, Azərbaycan Vətən Müharibəsi Veteranları İctimai Birliyinə rəhbərlik edilən şəxslər, sən demə özləri də bilmədən erməni faşistləri tərəfindən döyüşlərdə «öldürülüblərmiş». Sədr Füzuli Rzaquliyev başda olmaqla sədr müavinləri Vahid Abdurəhmanov, Qurban Osmanov, NTK sədri Niyazi Quliyev, Mətbuat Xidmətinin rəhbəri Xaqani Ədəboğlu və bir çoxları, həmçinin veteranlarımızdan döyüşən, veteran övladları olan qəhrəman əsgər və zabitlərimizin övladlarının da adları bu siyahıda yer alıb. Namərd düşmən bizləri «şəhid edərkən» sadəcə bizim xəbərimiz olmayıb. Sizlər də bu siyahıda adınızı axtara bilərsiniz. Bəlkə ermənilər elə sizi də «öldürüblər».
AVMVİB sədrinin müavini Vahid Abdurəhmanov
Danışan «rəhmətliklərdən» AVMVİB sədrinin müavini Vahid Abdurəhmanov bildirdi ki, bu fakt düşmənin başdanbaşa yalan informasiyalar yaymasını bir daha sübut etmək üçün yararlıdır. Lakin buna baxmayaraq hələ də içimizdəki bəzi biveclər erməni dezinformasiyalarına inanmaqdadır. Düşmənin yaydığı belə feyk xəbərlərə qarşı diqqətli olmalıyıq. Anında araşdırıb belə faktlara reaksiya verməliyik.
AVMVİB NTK sədri Niyazi Quliyev
Digər rəhmətlik AVMVİB NTK sədri Niyazi Quliyev də xəbəri «ölümündən sonra» gülüşlə qarşıladı. Bildirdi ki, bu fakt bir daha sübut edir ki, ermənilərin danışdığı bir kəlimə də doğru söz yoxdur. Bu gün bu həyasızlıqla 7 minlik itki siyahısı düzəldib öz şərəfsiz xalqlarına təsəlli verir və Azərbaycanda da dezinformasiya yaymağa çalışırlar. Bu görünəndir. Amma faktiki olaraq öz 11 minlik itkilərini açıqlamaq bir yana heç leşlərini də ərazilərdən götürmürlər.
AVMVİB sədrinin müavini Qurban Osmanov
Digər rəhmətlik AVMVİB sədrinin müavini Qurban Osmanov da erməni feykini gülüşlə qarşıladı. Bildirdi ki, tarixən belə mənfur və şərəfsiz bir xalqa rast gəlmək münkün deyil. Bunca yalançı, böhtançı və xəstə bir xalqla qonşu olmaq da təhlükəlidir. Cəbhədə əzilmiş başlarını bu yolla sağaltmaq istədikləri ortadadır. Ona görə də düşmənin heç bir təbliğatına inanmamalıyıq.
Dümək olar ki, kağız üzərində «öldürülmüş» insanlarımızın itkilər haqqında tərtib etdikləri erməni siyahəları ölkədə qorxu və narazılıq yaratmaq üçün yayılır. Diqqətli olmalıyıq.
Qələmə aldı:
«Rəhmətlik» X. Ədəboğlu
AVMVİB Mətbuat Xidmətinin rəhbəri