Vətən müharibəsi qazisi intihar etdi — FOTO

Vətən müharibəsi qazisi Vüsal Musayev müalicə aldığı hərbi hospitalda intihar edib.

Bu barədə sosial şəbəkədə məlumat yayılıb.

Məlumat Müdafiə Nazirliyi tərəfindən təsdiqlənib. News24.az-a açıqlama verən nazirliyin Mətbuat Xidmətinin rəisi, polkovnik Vaqif Dərgahlı bildirib ki, Silahlı Qüvvələrin Baş Klinik Hospitalının Psixiatriya bölməsində 2020-ci ilin dekabrın 7-dən psixoz diaqnozu ilə müalicə alan müddətdən artıq həqiqi hərbi xidmət hərbi qulluqçusu əsgər Vüsal Musayev bu gün intihar edib.

Faktla bağlı cinayət işi başlanılıb, araşdırma aparılır.

Qeyd edək ki, II Qarabağ Müharibəsinin iştirakçısı qazi  Vüsal Musayev gərgin döyüşlər nəticəsində kəllə-beyin travması almışdı. Şəhidimizin 2 azyaşlı körpəsi var.

Müharibədə yaralanmış döyüşçülərin müalicəsi ciddi nəzarətə alınmalıdır. Bu sahədəki neqativlər və həkimlərin yaralılara biganə yanaşmaları barədə şikayətlər günbəgün artmaqdadır.

Allah qazimizə rəhmət eləsin!

Bu xəbəri paylaşın: