Bu gün daha bir silahdaşımızın — Azərbaycan Vətən Müharibəsi Veteranları İctimai Birliyinin (AVMVİB) Xocavənd rayon şöbəsinin sədri, müharibə veteranı, istefada olan baş leytenat Həsənov Eynulla (Akif) Ağamirzə oğlunun doğum günüdür. Sentyabr ayının 25-də onun 67 yaşı tamam olur.
Müharibə Veteranı, istefada olan baş leytenat Həsənov Eynulla Ağamirzə oğlu 1957-ci ildə Azərbaycan Respublikasının Xocavənd rayonunun Əmirallar kəndində dünyaya göz açmışdır.
1975-ci ildə Xocavənd rayon Əmirallar kənd orta məktəbi bitrib, 1976-1978 -ci illərdə Sovet Ordusunda müddətli həqiqi hərbi xidmətdə olub.
1979 — 1988 ci İllərdə Xocavənd rayonun Əmirallar kəndində klub rəisi işləyib.
2001-ci ildən Azərbaycan Vətən Müharibəsi Veteranları İctimai Birliyinin Xocavənd rayon şöbəsinin sədridir.
1988 — 2000- ci illərdə Beylaqan könüllü müdafiə batalyonun və Azərbaycan Ordusunun döyüş bölgələrində yerləşən hərbi hissələrin birində taqım, böluk və tabor komandiri vəzifələrində Vətənə və xalqa sədaqətlə xidmət etmişdir.
Azərbaycan Ərazi bütövlüyü uğrunda (Xocavənd, Beylaqan və Füzuli rayonları istiqamətində) gedən döyüşlərdə fəal iştirak edərək ona həvalə edilmiş vəzifə və tapşırıqlarının öhtəsindən layiqincə gəlmişdir. O 1992-ci ilin mart ayının 27-də Xocavənd rayonunun ərazi bütövlüyü uğrunda gedən döyüşlərdə yarlanıb.
Həsənov Eynulla Ağamirzə oğlu 44 günlük Vətən Müharibəsində daimi hərbi qulluqçularmızın yanında olaraq əlindən gələn göməkliyi onlardan əsirgəməyib.
Azərbaycan Respublikasının Konstitusiyasına və qanunlarına, Hərbi Andın, Hərbi və Azərbaycan Vətən Müharibəsi Veteranları İctimai Birliyin Nizamnamələrinin yerinə yetirilməsində üzərinə düsən vəzifə və tapşırıqlarının öhtəsindən layiqincə gəlmişdir.
Hərbi və İctimai vəzifələrin icrasına məsuliyyətlə yaşadığına görə Fəxri fərmanlarla, Qiymətli hədiyyələrlə mükafatlandırlıb, ona təşəkkür elan edilib və aşağıdakı medallarla təltif edilib.
1.»Müharibə Veteranı» medalı ilə;
2.”Azərbaycan Vətən Müharibəsi Veteranları İctimai Birliyin 25 illiyi (1994 — 2019)” yubiley medalı ilə;
3.»Azərbaycan Ordusunun 100 iliyi» ( 1918 — 2018) yubiley medalı ilə;
4.»Böyük Zəfər medali ilə”.
Azərbaycan Vətən Müharibəsi Veteranları İctimai Birliyinin (AVMVİB) rəhbərliyi, həmçinin səbəbkarın yaxınları, dostları, iş və döyüş yoldaşları müharibə veteranı, istefada olan baş leytenat Həsənov Eynulla Ağamirzə oğlunu doğum günü münasibəti ilə səmimi qəlbdən təbrik edir, ona cansağlığı və uğurlar arzulayır.
AVMVİB Mətbuat xidməti
